我的網誌清單

2014年11月30日星期日

綜合水果廚餘天然酵母

買回來嘅生果,發覺有2個柿子瘀咗。
家中又有1個蘋果放耐咗都冇人肯食,再加入蘋果芯、幾個檸檬殼,加入水同糖,又去發酵。
王子笑說,我家多咗個玻璃垃圾桶。

2014年11月29日星期六

又食魚

上次食鹽酥鱘龍骨腩好正,非食多一次不可!
哈哈,今日兩樣餸都係Q彈架。


2014年11月28日星期五

印度蕃茄咖哩羊配菜飯

在東歐超另一發現,佢竟然有亞洲食品賣,最奇怪係見到......榴槤!!!
吓?榴槤?!東歐人又啱?!
不過見到東歐超啲榴槤價錢,就知亞超食水幾深,係超深呀。。。
發現東歐超啲小棠菜又平又靚,平亞超成條街呀!
整菜飯套餐都好喎。

2014年11月27日星期四

我的純釀黑豆醬油

上次做的醬油,全是黃豆醬油。
我想做一批台灣流行嘅黑豆醬油呢。
黑豆醬油與黃豆醬油嘅分別有如茶品,黑豆醬油似烏龍茶,黃豆醬油就似香片,各有不同,各有捧場客。

2014年11月26日星期三

廚餘綜合水果醋

第二批嘅靑檸檬醋做好之後,啲靑檸殼仲好香,保留咗做多次醋。
今次做廚餘綜合水果醋,每次吃水果時,不要把水果皮、水果芯送到垃圾桶,加入液體內,用筷子攪拌幾下,以免發霉,就可以啦
有時買回來嘅生果,發覺不好吃,冇人肯食,丟棄又可惜,又加入去。
有時生果放耐咗,舊咗,又冇人肯食,又加入去。

2014年11月24日星期一

羅宋牛尾湯配檸檬迷迭香海鹽pull-apart rolls

本來以為剛做好嘅檸檬迷迭香海鹽,第一擊會用黎醃肉、醃魚。
點知一覺醒來,又有心情搓包,於是創作咗呢個檸檬迷迭香海鹽pull-apart rolls(小餐包)。
做了迷你包,幾啖一隻果種。
淡淡檸檬味,淡淡迷迭香味。

2014年11月23日星期日

醬油芝麻漬三文魚井

王子跟我說,想吃三文魚魚生。
好好好,立即去買挪威頂級三文魚魚生。

2014年11月22日星期六

蒜香甜醬油海鮮炒麵

在東歐超另一發現,佢嘅急凍海鮮好抵買!!!
睇落品質仲幾好,似乎仲好過洋超同亞超。
王子愛吃炒麵,久不久我會炒俾佢食。
今次用咗海鮮、靑椒、西蘭花梗,做了蒜香甜醬油海鮮炒麵。
炒麵實在有個大好處:佢係優質廚餘剩菜殺手,廚餘剩菜每樣啲啲,東拼西湊,加啲麵,咁又一碟。

2014年11月21日星期五

2014年11月19日星期三

再黎鱘龍記

條鱘龍幾大架,屋企兩個人,一餐一定食唔哂。
所以,仲有一餐食。

2014年11月18日星期二

鱘龍記

某日睇報紙,見到某東歐超嘅廣告,見佢啲產品又平,又多新奇嘢,咁去八八。
買咗好多嘢, 响魚檔見到一條超似鯊魚嘅魚,個名又肯定唔係鯊魚,心諗: 會唔會係鱘龍魚呢?
吓?乜呢度有鱘龍魚架?唔肯定,問魚佬,佢又話好好食,咁買啦。

2014年11月17日星期一

檸檬迷迭香海鹽

用攪拌器打碎乾檸檬皮,倒出乾檸檬皮後,攪拌器內沾滿了乾檸檬皮屑。

2014年11月16日星期日

自製乾檸檬皮

上次用了1 kg靑檸檬做了純釀廚餘靑檸檬醋。
還有1.5 kg靑檸檬,今次做點別的。
靑檸檬洗淨抹乾水,批皮,但不要太深,白色部份苦味重呢。
批完皮先再渣汁,靑檸檬汁可以用於其他地方。
靑檸檬皮放於碟上,蓋上布放在一角,自然風乾。

2014年11月15日星期六

濃味排骨午餐

天氣凉,口味都唔同咗,特別想食濃味嘅。
是日王子在家午餐,咁要煮多啲啦。

2014年11月14日星期五

素食孖寶

呢度公共交通久不久就罷工,今次罷足3日。
王子唔想出去同人迫,幾日都home office,即係我幾日都要煮午餐。
冇乜特別想食,咁整素食孖寶啦。

2014年11月12日星期三

純釀廚餘靑檸檬醋

去土超,發現靑檸檬有跳樓貨,兩包共2.5kg,2歐咋。
仲要係有機同冇蠟。
是日先用1kg渣汁,渣了一大樽呢,剛剛遇上啱啱,王子一回家,跟我說他作感冒了!
靑檸檬汁大派用場呢。

2014年11月10日星期一

低脂素星洲炒米

中午與王子吃烤羊,羊肉脂肪較高,晚餐便要食清啲。
很久沒吃星洲炒米,咁食低脂素星洲炒米啦。

2014年11月9日星期日

自家製雲吞皮

其實一早已經買好材料,試試挑戰整雲吞皮。
一拖再拖,終於冇試整。
是日天氣極惡劣,好想食一大碗雲吞湯。
咁。。。開工試整啦。用咗高筋spelt flour(斯佩耳特小麥粉)整,有益啲!

第一次整,有啲鷄手鴨腳,部製麵機控制得麻麻,功多藝熟,多啲做應該會好啲又快啲。

2014年11月8日星期六

2014年11月6日星期四

迷迭香海鹽焗根莖蔬菜

連續幾天都有食肉,決定要green day清清腸胃。
green day攪唔成,攪咗個purple day。
用了Vitelotte Potatoes、黑蘿蔔及新鮮紅菜頭,做了迷迭香海鹽焗根莖蔬菜。

2014年11月5日星期三

黑蘿蔔

上次去超市買多袋Vitelotte Potatoes時,又見到果另一種用Halloween做宣傳嘅蔬菜。
係黑蘿蔔呢。
好想知裡面係點、味道係點。。。
店員話裡面係紅色,味道同一般紅蘿蔔一樣。

2014年11月4日星期二

我的純釀味醂

做了新米麴,用來釀味醂。
跟醬油一樣,味醂可以速釀也可以純釀,速釀的製作時間短,是含酒味嘅調味料,主要是酒精、增味劑和麥芽糖混合而成,風味和味醂相近。 純釀要幾個月以上,叫〝本味醂〞。

2014年11月3日星期一

上湯淡水龍蝦麵

有時,我會去東歐超市行,睇睇有乜得意食材。
買咗一堆食材,見有西班牙淡水龍蝦,又買一盒啦。

2014年11月2日星期日

培植洋薏米麴

見有時間,又培植麴。
上次培植簥麥麴,今次培植洋薏米麴。

2014年11月1日星期六