我的網誌清單

2015年2月28日星期六

BB猪乸菜

佢唔係白菜,係猪乸菜呢。
自小不愛吃猪乸菜,覺得佢又老又鞋。
响東歐超見到BB猪乸菜,心諗:應該試得過,買!

2015年2月27日星期五

Brunch

成日見blog友食buffet,我又想去食buffet喎!
立即check優惠,有間小酒店剛剛有brunch promotion,買一送一。
趁唔想煮,同王子去食。
呢度食brunch可以食4小時,跟住仲可以任坐。
先食早餐。

2015年2月26日星期四

Swede瑞典蕪菁

Blog友Samwei介紹Swede,可以用黎代替靑蘿蔔煲湯。
靑蘿蔔我呢度冇,但很喜愛,一於用佢試黎煲湯。

2015年2月25日星期三

焗牛羊薯蓉批

要清薯仔,煮乜好呢???
整咗西餐,焗牛羊薯蓉批,類似shepherd's pie。

2015年2月24日星期二

慶生(1)

今年慶生我安排到時間,享受咗三個免費慶生優惠,
其中一日去咗全日桑拿+浸礦泉浴,同去年一樣。
另一日去咗保時捷博物館,又係有免費慶生優惠黎架。

2015年2月23日星期一

日式咖哩汁伴魷魚釀芝士粟米飯

隔夜飯你會用黎做乜?
我今日用隔夜飯整日式咖哩汁伴魷魚釀芝士粟米飯。

2015年2月22日星期日

又黎廚餘大作戰 - 自製tea blends柚子綠茶

又係廚餘時間!
上次用檸檬自製乾檸檬皮同整檸檬迷迭香海鹽
今次用沙田柚皮自製tea blends!
整柚子綠茶!
沙田柚皮洗淨抹乾水,批皮,但不要太深,白色部份苦味重呢。
沙田柚皮放於碟上,蓋上布放在一角,自然風乾。

2015年2月21日星期六

雪菜肉絲通

早上瞓醒,突然見到王子。
做乜唔去返工???
原來佢唔知醒,於是唔去返工,一於home office。
容許人home office呢樣嘢,真係正。。。

2015年2月20日星期五

柚子胡椒味噌鮟鱇鍋

柚子胡椒用得啦!
今日食得清清地,一大鍋柚子胡椒味噌鮟鱇鍋,熱乎乎嘅湯,熱乎乎嘅飯。
湯鍋做法同日式味噌鱈魚肝海鮮鍋一樣,只係加咗柚子胡椒做佐料。

2015年2月19日星期四

A貨上海粗炒

屋企冇哂辣椒油,拿拿淋整番一大樽。
自己整辣椒油,真係好好味,又容易,又平,又冇添加。。。

2015年2月18日星期三

日日喜羊羊

恭祝大家

萬事如意

笑口常開

心想事成

身體健康

日日喜羊羊




2015年2月17日星期二

2015年2月16日星期一

蘿蔔牛肚食譜

Blog友問我點整牛肚,趁有時間, 我又寫寫個食譜。
牛肚我會特別處理過先煮,否則燜咗,成鍋會臭臭地架。
臭臭地嘅味其實係正常架,如果唔使處理,燜咗,成鍋又啲啲臭味都冇,我反而唔放心,唔知生產商用乜嘢洗過。。。

2015年2月15日星期日

冇油朱古力包

買咗包特價朱古力粉沖嘢飲,點知味道麻麻。
唔想丟,就要諗諗啦。
王子愛甜,整冇油朱古力包吧!

2015年2月13日星期五

一鷄二食

一蝦二食之後,又一慳家之作,一鷄二食。
鷄脾大減價,入咗。。。
用一包,起肉。
突然想食鷄飯,整咗榨菜木耳冬菇鷄飯。

2015年2月12日星期四

一蝦二食

突然想食蝦,冰箱有存貨喎!
盒蝦係有頭蝦黎架,不如一蝦二食啦。

2015年2月11日星期三

牛羊漢堡包

同王子經過漢堡王,王子跟我說,好耐冇食漢堡包。
佢嘅意思係,叫我整漢堡包俾佢食。
响土超又買到牛羊混碎肉,咁不如整牛羊漢堡包啦。

2015年2月10日星期二

焗芝士菠菜鷄脾薯蓉

上星期薯仔大減價,0.88歐4kg,受唔住誘惑,入咗。。。
突然想食菠菜蓉,菠菜蓉、鷄脾、薯蓉這個組合也不錯吧。

2015年2月9日星期一

柚皮

最近成日食柚子,剩下大量柚皮。
小時候我屋企嘅老人家係乜都識自製架,柚皮係其中一樣。
我淨係記得,佢地會揾火燒啲柚皮,整柚皮超超超多功夫,仲有,柚皮唔易整得好食。
又試試跟網上方法整,玩玩先。
柚皮批淨再浸水兩日,間中換水。

2015年2月8日星期日

杏脯燜鷄脾

上次買咗嘅杏脯乾有啲硬,冇相干,用黎煮餸咪得囉!
呢排成日去出血,是日又去,仲買到心水嘢,出完血,勁暢快!
明知自己會買到唔知時間,一於整杏脯燜鷄脾,一早醃咗鷄脾,咗杏脯,呢個半個鐘就有飯開,啱啲冇乜時間嘅人。

2015年2月7日星期六

2015年2月6日星期五

廚餘大作戰 - 柚子胡椒

又黎自製醬料!
不知你有沒有買過柚子胡椒這東西?
如果你經常巡日超,一定會見過。
日本人非常愛此物,因為佢嘅味道同傳統日本菜完全不一樣。
因為不一樣 ,味道反而可以相輔相成。
柚子胡椒係非常清香嘅一種佐料,日本人用黎做乜??鍋物、涼拌、烏冬、冷奴豆腐、意粉........真係成日用到架。

2015年2月5日星期四

蘿蔔牛肚

我覺得煮食最大嘅滿足,唔係將食者愛吃嘅煮得美味,反而係將食者本來唔愛吃嘅煮得美味,令食者看到呢種食材嘅見另一面,願意自動放下佢嘅睇法,再去嘗試。
牛肚是我家嘅其中一個例子。
因為小時候食過煮得差嘅德式牛肚,王子以後都唔食牛肚。
我從不强迫佢食,或者陪我食,因為唔鐘意就係唔鐘意,人係應該有思想自由嘅。
最初我煮,佢只會望,後來望望下,佢見我食得滋味個樣,開始去嘗試,初初只吃少少,最後係愛上,大口大口咁食。

2015年2月4日星期三

火腿通

上次病咗,blog友J Chan叫我煮火腿通,但係,其實我非常少買火腿,一年應該冇5次。
不過病完之後,想起茶餐廳嘅火腿通,突然想食,買包火腿煮煮先!
煮咗兩大碗,同王子一人一碗做晚餐。
耐冇食,覺得特別美味。。。
想起香港茶餐廳食早餐嘅情景。。。

2015年2月3日星期二

咖哩紅菜頭薯仔牛腩

很多人都怕食紅菜頭。
很多人說它很紅彤彤,賣相可怕。
又有很多人說它有怪味。
今天這個煮法,可以解決以上問題。

2015年2月2日星期一

摩洛哥肉丸

回教國家,有樣東西叫牛羊混碎肉。
王子同我講咗N次,話要食。
我知我知,但係牛羊混碎肉唔易買到,去咗N次土超,一係冇,一係俾人買哂。
終於買到啦!

2015年2月1日星期日

零嘴

零食、雪糕、甜品同我係冇乜緣份嘅。
很多人(特別OL),似乎特別愛零食,係office必備。
我也有朋友, 飯可不吃,零食必需天天吃。
但是零食、雪糕、甜品,我就是不覺特別喜愛,很奇怪吧?!
所以零食、雪糕、甜品呢啲,我真係比較少買,除非係特別口味,不過試完,都係王子包底。
我最大嘅零嘴 ,係堅果、瓜子同乾果。