無油煎蛋法

响歐洲生活，很多時都會懷念香港嘅美食。
特別懷念嘅唔係鮑篸翅肚，反而係啲平民嘢。
雲吞麵、魚蛋、車仔麵、魚肉燒賣......茶餐廳一定入圍。
某日決定要將茶餐廳搬入屋企。
第一樣想食嘅係腸蛋飯。

因為腸仔已經多油，隻蛋唔想再用油煎。
其實如果隻易潔鑊靚同仲新淨，煎蛋唔落油都得架。
唔用油煎蛋，可以用水。個方法係一個好講究健康嘅日本人教我嘅。
燒熱易潔鑊，唔加油直接放蛋，等15秒再加入少許水，啲水就會分開隻蛋同個鑊，唔會黏底架。

晚上繼續茶餐廳。
干炒雞翼意跟熱啡。

有人要求甜品，整埋香蕉奶昔。