sushi brunch 、睇動物

某日同王子去食sushi brunch。
食味一般啦，不過响呢度食日本嘢，要求太高咪盞洗完錢仲要唔開心。

 

今次食咗42碟呀。
好飽，決定去公園散步。
呢個公園除咗人工湖、單車徑、遊樂場之外，仲有特別啲嘅動物睇。

呢度有告示牌叫人唔好亂餵佢哋，要餵就可以用下面部機買飼料餵。
啲動物一見有人行埋部機度，即刻衝過去等食。

Cashmere goat

Boer goat

最鐘意見到佢－Alpaca羊駝，佢個樣傻到呢，個地拖頭好型呀

Soay sheep

Lama拉馬

因為有動物睇，好多家長帶小朋友黎。

佢哋好純，所以啲欄好低，可以隨意摸佢哋。

啲小朋友一路餵佢哋，一路同佢哋講心事。

佢哋興奮時仲會爬高

行得一陣，開始起風想落雨。
啲動物好似識感應咁，即刻自動自覺有秩序地返入屋避雨。

睇見佢哋，諗起挪亞方舟。
其實個公園佔咗一個山頭，不過落雨迫住要返屋企，下次再影過。