韓式辣醬車厘子排骨

王子摘了有機車厘子回來，可惜未夠甜。
咁酸，王子唔肯食，又唔理佢，一直放雪櫃。
最後，我決定煮咗佢！
突然一個電視畫面出，一個韓國煮持人用了新鮮酸梅及韓式辣醬做了燒烤醬。。。
於是，我用酸車厘子代替。
車厘子去核，加入蒜頭，打碎。

加入韓式辣醬、麵醬、生抽、老抽、糖、鹽，拌勺，試味，

加入排骨，入雪櫃醃4小時以上。
忘了加黑椒，加番先！

是日全家福。

排骨醃到入味便可以用黎bbq。
不過今日我用鑊煮。 
易潔鑊內不加油用中火炒香芝麻，倒出。
同一易潔鑊不加油，用中大火，加入排骨，加蓋煮5分鐘，加入剩餘汁液，加蓋煮至排骨熟及收汁。
再鋪上一層芝麻。
韓國煮持人嘅呢個韓式辣醬+帶酸水果組合係掂喎！

上面嘅菜式咁濃味，加碟清炒甘荀芥蘭頭木耳絲就啱啦。

終於有新鮮粟米賣啦。
是日例湯係素湯：西瓜皮洋薏米花生無花果煲粟米。