韓式辣醬酸車厘子炆牛腩

昨天採摘嘅酸車厘子，趁新鮮便用來做菜。
買了帶骨牛腩，諗住二食。

第一食係蘿蔔牛腩湯，看似很清，牛腩味卻十分濃郁，平常不愛中湯嘅王子乖乖飲咗一大碗，因為太鮮味，他竟然以為我加了味精。。。
蘿蔔我用了日本人教嘅方法處理。
不知你是否吃過，帶點苦味嘅蘿蔔。
日本人教，蘿蔔切好後，先用洗米水浸半小時以上，沖水後再煮。
這樣煲出來的蘿蔔湯沒有苦味之餘，蘿蔔刺鼻嘅味道亦會被去除，煲出來湯會柔和點，蘿蔔也會較好吃。

我最近嘅新寵泰式蝦醬西生菜。

上次做韓式辣醬車厘子排骨，效果十分理想。
今次韓式辣醬酸車厘子炆牛腩，方法汁料也差不多，但酸車厘子太小，我沒去核也沒攪碎，只用它直接煮。
牛腩煲咗40分鐘再焗15分鐘，取出去骨切件，加入酸車厘子、蒜茸、韓式辣醬、麵醬、生抽、老抽、糖、鹽、黑椒，中小火炆20分鐘再焗15分鐘，便完成。

今次用了很多酸車厘子，果香比上次濃，汁嘅味道有點似梅子排骨嘅味道，但卻明顯帶着韓式風味。