元氣樽裝早餐

王子最近工作忙碌，又睡不好，晚上難入睡，早上晨咁早醒，醒咗又瞓唔番。
某日回家，佢個樣極攰極殘，佢竟然問我瑪卡係咪work。
因為瑪卡有啲人參味， 佢一直冇試。
佢問到，我立即用瑪卡沖奶俾佢飲，咁當然，晚上要早啲瞓啦。
佢竟然話瑪卡粉幾nutty，幾香喎，真係估佢唔到呀。
晚飯後，又為佢準備咗元氣樽裝早餐，聽朝瞓醒咗又食啲補吓身。
是日係蜜瓜味樽裝早餐。
蜜瓜切粒粒放玻璃樽底。

放一點燕麥。

再放啲堅果、乾果之類。

今日有亞麻籽、芝麻、葵花籽，仲有瑪卡粉。

倒入奶，蓋好入雪櫃。
王子早上總是怱怱忙忙，這個元氣樽裝早餐給他很大方便之餘，裡面一點垃圾食物也沒有，也沒有添加劑，全是天然食品。
早上起來餓可以立即食，唔餓時就出門口前把它裝在包裡，回到公司，餓時打開便有早餐吃。

其實很多洋人媽媽都會响晚上做好一樽樽，按家人身體不同需要，改裡面嘅配方，早上起來揾番屬於自己果樽就得啦。

而且我用嘅係舊玻璃樽，食完洗番再用，不會出現食一個早餐，又製造一堆垃圾嘅情況，好環保架。