Marinated Roasted Vegetables Antipasto食譜

Blog友問我Marinated Roasted Vegetables Antipasto嘅食譜，王子又要求再食，我就寫寫。

焗爐預熱至250度，
焗盤鋪上鍚紙，掃油， 茄子切約1cm厚，掃或倒些橄欖油在茄子面，灑上少少海鹽及黑胡椒碎。
放入焗爐中上層焗至軟。
想節能嘅話，中層可以再焗一盤，焗至微軟再移至中上層。
我用西洋茄子整，比較硬，水份比較少，我未試過用中國茄子整，不過我估用中國茄子整，要再切厚一點。

調味方面，橄欖油內加入蒜頭粒、辣椒碎、海鹽及香草。
調味方面是各有各喜好架，隨自己喜歡便可以，有些人亦會加醋，令佢帶點酸。

拌勻，試味，稍咸就啱啦。

茄子焗至軟後，可以逐件逐件兩面沾上醃汁，再堆起。
每次一盤焗好，要試試調味是否足夠，是否要多加點橄欖油、辣椒碎、海鹽及香草。
蔬菜有熱力，會慢慢迫出辣椒碎、蒜頭及香草嘅香氣。

是日屋企冇三色椒，我用洋葱整。
用其他蔬菜整都好味，蘑菇、翠玉瓜、蘆筍我都鐘意用架。

用同一方法，咁又做咗一盤。
呢度有6大隻茄子同8隻洋葱。

涼咗之後入盒，再倒入汁，醃最少大半日才吃。

仲可以放上好幾日，慢慢食。
Antipasto食完之後，通常剩下很香嘅醃汁，都是精華。
不要倒喔，加點海鹽，是很好嘅salad dressing。
這天，我用了上一次嘅醃汁，拌黑蕃茄，真的很香！

正想着想吃蘑菇同蘆筍Antipasto時，王子打電話給我，原來佢經過A超市，見蘑菇大減價，500g才0.99歐，立即叫佢幫我買幾盒。
晚上立即又整！
蘑菇水份多，焗時要放疏一點，否則會出很多水呢！