安然入睡

已經好耐好耐，無見到三色貓响屋企午睡啦。
天氣好，這小鬼天天去玩，肚餓先返嚟，食飽又出去玩過。
不過呢，佢嘅嗲精性格依然冇變，依然係成日要人注意要人錫，仲係要多多果種！！！

這天，小鬼想午睡，而且要在王子嘅書房午睡，就在樓梯貓貓叫，即係代表：陪我上去，暗我訓覺，你要掃我個頭仔，直到我瞓著為止。。。。
我咁錫佢，一定照做啦，呢隻小貓，仲開心到流晒口水，反轉個肚，不消一會，就瞓著，仲扯鼻鼾添！！！
我就冇佢咁好彩啦，早幾個月工作繁重時，個人太攰，幾乎晚晚瞓覺都抽筋，有好幾次，仲要一晚抽筋幾次添，好彩呢排已經無咗，終於可以安然入睡，一覺瞓到天明。