我的網誌清單

2013年9月28日星期六

秋季大旅行 - Granada(3)

仲响皇宮呀!
好彩一早到咋,後來越來越多旅行團。
亞洲團以韓、日人為主。


2013年9月27日星期五

秋季大旅行 - Granada(2)

是日早上參觀Alhambra Palace大皇宮。
建議打算去的腦友一定要提早於網上book飛、並於參觀前一天提早取票,否則.....

2013年9月26日星期四

秋季大旅行 - Granada(1)

Granada主要分成4區:回教徒區、大皇宮、猶太區及天主教區。
是日先參觀回教徒區。

多款香料及草木茶。


秋季大旅行 - Malaga

我們的秋季大旅行開始了!
第一站Malaga


2013年9月24日星期二

狂買WMF、Silit、Staub同孖人

是日敗點: WMF Factory Outlet
除了有wmf, outlet其實仲有好多正嘢,例如Silit、Staub同孖人。
佢係一個令我想起都興奮嘅outlet。

2013年9月23日星期一

Metzingen Factory Outlet

繼續敗家之旅。
是日目的地:  Metzingen Factory Outlet
先嚟兩大朱古力品牌


2013年9月21日星期六

食buffet、大出血

有人嚟探我同王子,帶來大量補給物資。
安頓好後先去食buffet。


2013年9月20日星期五

自製洋人"盒仔茶"

呢個係王子同事教嘅「秘方」,佢話好work喎。
每逢佢作感冒、冷親都要我沖杯俾佢,趁熱飲,再蓋上厚被即刻瞓覺出汗,第二朝就會冇事。

2013年9月18日星期三

自家製貢丸(免撻篇)

是日同奶奶去食壽司兼shopping,佢以超低價買咗勁多「荀貨」開心到飛起。
兩個人玩咗成8個鐘,最後天黑王子call先返歸。
好彩噚晚整定貢丸漿,今晚食貢丸麵。


2013年9月17日星期二

黑橄欖魚茸千層麵 、Alfalfa乳酪汁雜菜沙律

本來今日green day,去到超市發現所有想買嘅蔬菜都冇哂。果時只係早上11點.....
已經食咗幾日肉,真係要停一停。
冇合適蔬菜就煮魚吧!

黑橄欖魚茸千層麵



2013年9月16日星期一

西門之貓

好耐之前有次行書局見到〝西門之貓〞嘅漫畫,返到屋企search到佢網上嘅漫畫同王子分享。
王子愛貓,佢睇到好歡喜,自此經常check佢哋有冇新update。
唔知你睇過未? 如果未,同大家share下先。

我諗養貓之人睇咗會有會心微笑。

2013年9月15日星期日

Paella seafood mix crossover 印度咖哩飯

屋企附近有不同民族嘅超市,其中一間係西班牙人開的。
久不久會去買啲一般超市冇嘅食材,遇到唔知係乜嘅產品仲可以請教西班牙店員。
好鐘意買佢哋啲Paella seafood mix,入面有好多種海鮮,仲有啲殼,個presentation會靚啲。
佢當然冇新鮮海鮮咁好食,不過打開就用得,係存倉佳品。

奶奶廚房(下)

今朝又係天陰陰,又凍,超肚餓。
午餐有牛扒配雜菜。

2013年9月14日星期六

奶奶廚房(上)

奶奶掛住王子,有時會叫我哋週末去「宿一宵」。
真實6299住得唔遠,即日來回都得,不過等6299見多啲王子,通常會「宿一宵」。
呢個週末唔使煮,係奶奶廚房。
有蕃茄雜菜配烤羊脾。

2013年9月13日星期五

萍果、合桃、洋梅

成個禮拜天氣都咁差,今日終於好啲可以去散步。
屋企後山有好多菜園及果園,萍果開始多及紅。

2013年9月12日星期四

法國麝香鴨(Barbary Duck)脾配雜菜couscous

王子話我好耐冇煮鴨俾佢食。
"咁你上次一面食又一面話食鴨肥過其他肉丫嘛"
"仲有一隻鴨成2.9kg,食成幾餐架"
 買鴨之事最終不了了之。

是日見到法國麝香鴨(Barbary Duck)脾,諗住一人一隻都ok。


2013年9月11日星期三

911晚餐:上海葱油紅燒魚、炒雜菜

今日得11度,凍到要開暖氣。
外面大風仲落埋雨,本來想去書局claim禮物,最後都係留响屋企睇911記錄片。
天氣冷唔想食沙律,見整咗上海葱油,就煮上海葱油紅燒魚。


2013年9月10日星期二

全素洋食

久不久都會食素,減低身體負擔及環保環保。
某日又是green day,晚餐為全素洋食。


家常菜日

成個禮拜無煮過家常菜俾王子食,諗佢應該有啲想食。
果然......有人得悉是日食家常菜表現興奮,企响廚房門口係咁等。


2013年9月9日星期一

2013年9月7日星期六

2013年9月6日星期五

2013年9月5日星期四

Irish Lamb Stew 配德國麵團Knödel

第一次煮呢個餸之前我係抱有懐疑的,因為材料太簡單,怕出嚟嘅完成品會單調。

點知佢成為了一個令我念念不忘的驚喜。



方便簡餐 - 牛筋腩米加菜

好鍾意食牛筋牛腩。

相比之下較愛牛筋,貪佢QQ哋。牛腩係香,但食完成日要幫啲牙做深層清潔。

間中會炆定啲牛筋腩,以便不時之需。因為炆牛筋腩都幾費時,為了節能我會一次炆多啲,分好一份份入雪格,用前解凍。

午餐間中會食牛筋腩米,呢日係淨筋米加菜。超簡單,用高湯加入牛筋煮滾,加菜加米粉。

加埋老干媽,幾分鐘有得食。


2013年9月4日星期三

黑松露牛扒飯配雜錦沙律

是廚房實驗失敗,於是立即改 dinner menu。

最方便係煎扒,雪櫃剛好有兩塊 young bull steaks,立刻解凍!

而早前在意大利松露之鄉Alba買咗人生中試過最香嘅100%黑松露,經售貨員細心解釋先知點解之前試過的松露都感覺唔到佢有幾香......仲俾任試,滿意先買。呢隻100%黑松露好勁,食少少口腔內的香氣成個鐘頭唔散,晚上打思嗝仲有味。

臨走時售貨員仲介紹咗幾個食法,其中一個係配牛扒。

底部的飯吸收了牛肉汁,仲有黑松露的nutty 香味同口感。

呢個禮拜食得太少raw food,所以整咗微酸嘅雜錦沙律,仲可以中和番肉嘅heavy 感。

2013年9月3日星期二

懶人碟頭飯

天朗氣清,氣溫23度,最適合踩單車做運動。

由屋企踩到河邊,途中經過一個個的花園及果菜園,再穿過公園到市中心。

踩單車時一直諗住一個想試整嘅食譜,但我冇合適嘅廚具。

去到Habitat見到佢....

西瓜皮水

今年食咗好多西瓜,垃圾桶經常出現「常滿」狀態。

看着垃圾桶內的西瓜皮,盤算着可以如何將佢recycle。

記得睇電視話可以煲西瓜皮糖水,當時心諗: 下,當真?

但同時另一聲音响起: 世界咁大,大把嘢我唔識,可能真嘅呢.....唔好咁快say no to everything.....

於是上網做research,有好多發現,原來中醫稱佢為西瓜翠衣,可以清暑解熱,止渴,利小便,去水腫,治口舌生瘡等等。 

除咗煲水、煲湯,仲可以做凉拌菜、醃菜、做mask.....


2013年9月2日星期一

童年回憶

辣椒蘿白對我黎講係一個童年回憶。

每逢食粥、唔夠餸、打風、無胃口都有機會同佢相遇。

仲記得第一樽辣椒蘿白購自屋企附近嘅雜貨鋪: 老闆,唔該一樽辣椒蘿白。
雜貨鋪老闆伸手上架攞一樽落黎,
用毛巾抹下啲塵,再遞俾我: 駛唔駛袋呀?
唔駛啦唔該 ,俾錢走人。

後來超市愈來愈多,青年時代覺得去超市買野係型同方便,去雜貨鋪買野係老套。

漸漸愈來愈少幫襯雜貨鋪。

亦因為醃製食品無益,愈來愈少食辣椒蘿白。

依家反而發覺雜貨鋪其實有佢獨存有的魅力同人情味。

某日記憶來襲,腦裡突然出現辣椒蘿白的獨有氣味。
想自己試整。

角切魚生飯

今日買咗魚生,打算整角切魚生飯。

雜穀飯

其實都知白飯營養價值低而糖粉高,但我係軟飯王。
前兩年開始嘗試在白飯中加入糙米,但始終不能成為習慣。

今年應承自己要健康啲,所以開始煮雜穀用來溝白飯,
初時真係有啲唔習慣,太有口感....最近已經接受哂,希望可以持之以恆.....


超似雀粟.....