Mittelalterlicher Adventsmarkt Stettenfels（3）

呢個地下購物中心，之前趕住睇節目冇行，依家行返。

聖誕快樂

一年容易又聖誕，謹祝大家聖誕快樂，平安喜樂！！

Mittelalterlicher Adventsmarkt Stettenfels（2）

其實呢度都幾多嘢賣。
呢個我同王子都覺得幾過癮，响個鐵波上面整咗唔同圖案，有啲仲係人樣，跟住將火種放中間，揸住佢就可以照明，而且响黑暗中會見到圖案，我諗起武林聖火令呀，唔知仲有冇人記得呢？？？

Mittelalterlicher Adventsmarkt Stettenfels（1）

星期日，同王子去今年唯一個打算去嘅聖誕市集。

今次去嘅地方比較郊外，差唔多到達嘅時候，見到有牧羊人放羊呀。

謎底

我同王子，心裡一直有個謎，其實都有blog友問過，究竟三色貓仲有冇返去以前主人度？？

強悍

開始進入嚴冬啦，某幾個星期，四周都係呢啲剪樹去雜草嘅工程，特別係路軌同公路旁邊，見得特別多。

創造

某日睇報道，講給每年唔同嘅機構，都會為社會創造新嘅就業機會。
創造，並不是指請人，加職位，係指創造新嘅工種，幫助有需要嘅人仕。
是日經過其中一個，由教會負責嘅項目，又介紹吓。

妒忌

三色貓，每日都要坐過我大髀幾次先安樂，其實我都幾怕佢啲爪，所以永遠都要鋪好毛巾先比佢上嚟坐。
如果唔比佢坐呢，就會嗚嗚嗚咁喊，好似我辜負咗佢咁。

藜麥香菇滑雞煲仔飯

以前煮飯，久不久都會加入糙米，但係仲係覺得準備工夫多，有啲煩，又唔係咁好食。
依家呢，就鍾意用其他有益嘅穀物代替，好似呢個藜麥飯，我真心覺得唔錯，方便又少功夫，無怪味又唔硬。
藜麥呢種super food其實已經响洋人世界大熱咗好一段日子，最初價格高昂，依家已經平民化咗好多。
天氣凍，我今日用嚟整藜麥香菇滑雞煲仔飯。
將幾湯匙藜麥沖沖水，加入浸香菇水，少少清水，中小火，加蓋煮大約8－10分鐘。

預告

王子同我分享咗一篇報道，關於俄羅斯嘅冷風，將會吹到歐洲。
因為佢哋天氣寒冷得很，天空上出現咗美麗嘅天空藝術 － 冰柱。
我從來未住過咁寒冷嘅國家，未見過冰柱。
如果你同我一樣未睇過，可以睇下呢段片，真係好美麗嘅自然奇景，好有通往天堂之路嘅感覺。

羊肉腸仔煎飽

雖然我哋係腸仔國，但係見到嘅腸，通常係豬肉，牛肉，雞肉，同火雞肉。
由羊肉同鴨肉做嘅腸其實好好味，不過好少見。
是日突然見到有羊肉腸，買咗。
打開包裝，立刻一陣羊臊味湧出嚟，正呀。

茄子辣白菜牛油果蓋飯

周六晚餐將會食好多肉，午餐一早諗定，要食無肉餐。

過火

包雲吞剩下餡料，於是，決定整生煎包。

The magical advent calendar

聖誕節就嚟到啦，周圍都開始有唔同嘅聖誕裝飾，Advent calendar周圍都係。

上車盤

星期日，好好太陽又好暖笠笠，亦係三色貓正式成為業主嘅大喜日子！！

荷葉餅

今日整荷葉餅。
我諗，冇乜人知道，乜嘢係荷葉餅。
佢仲有個名，叫潤餅，我諗，都係無乜人聽過。
其實，佢仲有好多唔同嘅名，不過，都應該係冇乜人聽過，但係佢，其實好多人都食過，佢，就係用嚟包片皮鴨個塊皮。
一啲都唔難整，開工啦。
麵粉內加入鹽（麵粉最好係一般中筋粉，一半高筋粉，如果無，用全中筋粉都可以），拌勻，慢慢倒入熱水，拌勻。
熱水嘅比例大約係麵粉嘅一半，即係一杯嘅麵粉，雖要大約半杯水。
跟住，等大約10分鐘，冇咁熱，將佢搓成麵糰。
太乾，加少少暖水再搓。
太濕，加少少麵粉再搓。

紅油抄手

某天，突然好想食雲吞。
去亞超買雲吞皮，都幾山長水遠，仲要外面凍冰冰，咁我自己用制面機整吧。
上一次其實已經試過，用制面機整雲吞皮，但係效果好厚。
今次再用人手自己壓薄啲，睇下效果點樣，我都係覺得厚咗啲。
下次等我試下其他方法同配方先得。

唔浪費

整完片皮鴨，又起埋啲肉做鴨鬆，剩下鴨骨。
屋企從小到大都係咁，鴨骨唔會丟，會用嚟煲湯同煲粥。
鴨骨加入清水同幾片薑，用壓力煲將佢煲成鴨湯，份量都唔少，可以分開幾次用啦。

三文魚

早上一醒來，便想著：好想食魚呀。
幸好，家中有儲備三文魚，立刻解凍，準備晚餐用。

年曆

很快，又要踏入新一年啦。
年曆都紛紛上市，有免費嘅，亦有要錢買嘅。
以往每一年，我都會買一套貓年曆俾王子，佢愛貓，但家中無養，冇得摸有得睇都好過冇。
這一年，三色貓來了我家，本來打算唔買啦，點知，世事就係咁奇妙。

洋蔥雞翼飯

某一天晚上，王子講唔實，會唔會返屋企食晚飯。
我最憎最憎最憎就係呢啲情況，都唔知使唔使預佢，又唔知要預幾多。
試過預佢食呢，佢分分鐘又話唔肚餓，搞到食唔晒。
唔預佢呢，又試過佢見到我食，大叫肚餓，又要食埋一份，最後，我食唔飽，又要再煮嘢食，真係搵嚟搞。。。

捲餅

整片皮鴨嘅時候，反正都整開，特定整多啲麵皮。
咁，就可以食多一餐捲餅啦。

芝士香蔥肉醬厚多士

某日晚上，整咗兩大條健康枕頭包。
早上起來，發現有人已經開咗嚟食，仲好富貴咁用意大利買返嚟嘅松露蜜糖搽嚟食添。
突然，發現屋企有聲，原來佢唔想返工，想home office喎。
即係，我要臨時整個二人lunch。

自家片皮鴨

年年天氣開始凍，就係食鴨嘅時候。
碰上超市嘅鴨做本週減價，我又買咗隻，唔係太大咋，2.2kg。
諗咗好耐應該點食，最後，都係決定整片皮鴨，因為，真係太耐無食過啦。

雜錦炒蕎麥烏冬

之前整蕎麥烏冬，留咗一份大嘅响雪櫃。
王子一早出咗聲，要食炒烏冬。

湯渣pizza

之前嘅湯渣肉醬，仲有剩㗎，所以會用嚟做pizza。
做好pizza底，鋪上湯渣肉醬，再搽上一層沙律醬，在鋪上蔬菜，灑上少少鹽，少少黑椒碎，焗到差唔多，再灑上芝士再焗多幾分鐘，就完成啦。

杞子蟲草花雞肉蕎麥烏冬

今年嘅第一場初雪，突然嚟咗，外面氣溫驟降。
過往都係十一月底先有第一場雪，今年早咗好多呀。

湯渣Nachos

屋企有半盒湯渣，今日用來整另一種食物。

A貨炸雞餐

早上去超市，見到盒跳樓貨雞脾，勁平。
心裡面，突然間好想念炸雞叔叔嘅出品。
我哋好少炸雞叔叔嘅分店，城嘅內內外外，加埋都係得幾間，而且價錢都頗高昂，最近我家嘅，要揸車35分鐘先到。
其實A貨一啲都唔難整，而且用嘅時間其實好短，咁我開工啦。

酸菜魚米線

早上去超市，見到有包鰈魚柳減價，反正未決定食乜嘢做晚餐，就佢啦。

我要我們在一起

數數手指，三色貓已經嚟咗我哋屋企半年啦。
我同王子都發現，佢真係好嗲，好痴我哋，尤其係我，去到邊佢都會跟住。
佢似乎，好鍾意有人陪住佢，好怕被我哋留下佢一個。

公眾假期

聖誕節前嘅最後一個公眾假期，終於都渡過咗啦。
假期在星期二，又是在萬聖節後，王子攞咗一日假，就可以有四日連假。
最後一日嘅假期，王子唔知乜事，瞓到十二點都唔起身。
我早佢好多已經醒咗，先同三色貓公主跪安，幫佢按摩，跟住做咗一堆家務，王子仲係未起身。
如果聽日仲有假期，就無所謂，可以任佢瞓覺，但係聽日要早起返工，就唔得啦，瞓到咁晏，即係今晚有人會瞓唔著，典床典蓆，聽朝鑊鏟鏟都唔起身，返工個精神狀態又似喪屍。

魚露炸雞

突然好想好想食炸雞。
屋企買咗咁多粟米雞，即刻解凍半隻先！！！

周日出走（3）

告別酒村莊，我同王子再向前行。

椰汁咖哩雞

平價超市賣嘅奧地利粟米雞真係超平，買過一次之後覺得性價比好好，只不過唔係經常有，要推廣嘅時候先有，而且每次貨源都好少。
碰上又有推廣，咁今次要入多啲貨啦。
琴日買咗兩隻，今日又買兩隻。
話就話係1400g，其實永遠都係有多無少，今次一隻係1600g，另一隻係1800g呢。
屋企得兩個人，一次煮一隻太多啦，返屋企，首先係將佢一開二，然後冷藏，每次用半隻雞，對我哋呢啲小家庭，足夠有餘。

芝士肉醬焗大蘑菇

整咗一大盒肉醬，食剩嘅分成幾盒冷藏，屋企有大蘑菇，於是攞一盒出嚟用。
預熱焗爐220度，最上層焗蘑菇5分鐘。

周日出走（2）

走入酒村莊，見到好多舊屋呢。

周日出走（1）

上週日，我同王子，再次出走。
這次去一個較鄉郊嘅地方。
第一站，城堡。

無飯開

是日，無飯開。

蘋果肉桂布甸批

王子下午嘅會議突然取消，可以提早回家，開心不已。
最開心嘅莫過係三色貓，突然中午見到王子返屋企，好愕然，然後突然變得好嬌嗲，好開心。
午飯過後，外面天色好差。
王子突然跟我說，雪櫃仲有好多蘋果喎，明顯係弦外之音。
不過我都有時間，就用埋剩下嘅十幾個蘋果，做個批出來吧。

意式烤蔬菜炆雞

屋企有啲Marinated Roasted Vegetables Antipasto剩下，佢將會有個好好嘅出路。
突然，好想食炆雞，但係想食西式嘅炆雞，用剩下嘅Antipasto，可以整到好好味好香濃嘅意式烤蔬菜炆雞。
屋企有隻法國粟米雞，先將佢斬件，用日本醬油，鹽，糖，黑椒碎醃1小時，加入2－3湯匙麵粉，拌勻，燒熱易潔鑊，加入少少油，放入雞件，中大火煎至金黃，反轉，再煎至另一面金黃。

葡萄酒之路

行完森林，我哋進入葡萄酒之路。
我哋有出產葡萄酒，所以有唔少大大細細嘅酒莊同葡萄酒之路。
葡萄成熟時，葡萄酒之路係一片美景。

森林行

上個週日，天氣好到不得了，過了這村沒這店，咁好天唔出去，真係唔知幾時再見。。。
我同王子決定去行山，來個森林行。
走入森林無耐，就見到訊號發射塔，係提供附近嘅電話，電視，收音機等嘅訊號塔。

A貨蒜蓉包

今年春天嘅時候，王子响森林採摘咗一大袋Bärlauch（wild garlic）。
我將佢製成pesto，分好小袋，放入冰格，就可以隨時用。
是日攞一份出嚟，做個A貨蒜蓉包，麵包焗好後，將pesto塗上，就完成啦。

意式素食

某天去晚購，碰上超市嘅蔬菜有大量跳樓貨，超級平啊，想起今年都只係清咗一次Marinated Roasted Vegetables Antipasto，咁不如整多次啦。
整咗幾盒，夠食幾日，可以懶惰幾日啦。
呢樣嘢，整好要隔日食先好食，仲要係擺得耐啲仲好食。

糖醋排骨

呢排清雪櫃，成日整糖醋排骨，呢樣嘢，王子食極唔厭。
其實都好簡單，啱晒懶人，只係要少少耐性。
鍋內加入少少油，中火先爆香薑，再加入蒜頭，辣椒乾，肉桂條，炒炒。
我唔記得咗加月桂葉，後來加返。

椰菜節（2）

搭免費接駁巴士，就可以嚟到另一個地點。
呢度大好多，人多好多呢。
首先，見到一檔大大嘅，賣農產品。

椰菜節（1）

週六，天氣好到不得了，王子要返公司加班，我就去椰菜節趁熱鬧。
呢個係全德國最大嘅椰菜節，分三個地點，我打算去兩個。
椰菜人有糖果派，不過淨係細路先有份。

求仁得仁

我成日都覺得，王子係一個成日求仁得仁嘅人。
某天晚上，王子嘀咕嘀咕，說很久無食過牛扒。
係呀，你減肥吖嘛，仲要食少啲肉嘛，咪唔買囉。
隔天，真係如佢所願，我去超市時，見到美國牛扒有跳樓貨。
咁買定啲上吓倉啦，我好鍾意呢啲咁樣嘅獨立包裝，覺得好方便好企理，幾多人食就攞幾多塊出嚟解凍。

湯渣咖喱

中午時候，煲咗南瓜素湯，王子突然致電回家，問晚餐有乜嘢食，同佢講煲咗湯，加兩個餸，就夠啦。
佢突然話唔想食飯，想食烤餅，問我改唔改到，得嘅，咁變陣囉，於是就出現咗琴日寫嘅簡易乳酪烤餅。
咁本來啲餸又同烤餅唔夾，又要改改，望住啲湯渣，想想不如整個印度南瓜咖哩，配烤餅應該唔錯。

簡易乳酪烤餅

是日，做個簡易乳酪烤餅，係免搓同免焗爐版，啱晒懶人。
800g麵粉加入1茶匙鹽，1湯匙糖，拌勻。
加入適量酵母，500g低脂原味乳酪（要先放至室溫），4湯匙橄欖油，拌勻。
慢慢加入約250－300ml暖水，拌勻。

煲仔飯餐

天氣凍，又係煲仔飯嘅上場時間。