Mittelalterlicher Adventsmarkt Stettenfels（3）

呢個地下購物中心，之前趕住睇節目冇行，依家行返。

記唔記得第一集開頭有牧羊人同一大群羊？？
登登登登，佢哋啲製品響度啦，因為呢個地方有養羊，所以有羊毛製品賣。

我家王子好鍾意呢啲嘢，仲話啲羊毛拖鞋同襪好抵買。

呢個佢好想買比三色貓做聖誕禮物，不過真係貴咗啲囉。

呢個都多人買，係掛响條腰，用佢嚟買酒飲㗎。

呢檔係中世紀零食物語。

店主話係用乾果之類整嘅，不過個樣真係麻麻。

仲有手作番梘。

真係好多款，亦唔算貴。

細佬可以玩整番梘波，店主將番梘磨成絲，不斷用手搓下搓下，成為球狀，就係番梘波啦。

跟住出去睇下其他嘢。
呢檔都係中世紀嘢，呢個係古董吹風機。
雙手拉開。

在將佢合埋，就會吹出大風來。
經過高溫，中間啲原材料就會溶掉。

趁熱將溶液倒入模具，就會整成一啲小飾物。

小朋友可以參與一齊整。

天色比之前好咗少少。

望落山下都清晰好多。

人都開始多起來。

碌齡檔口真係超好生意，未停過呀。

呢個真係超低能，係小丑响度賣證書，比一歐佢，佢問你幾條低能問題，答啱就證明你確實係低能嘅，就有證書，都係志在令啲人笑囉。

睇下啲中世紀掃把先。

真係好環保，完全係天然材料整成。

呢個係城堡嘅中庭花園。

城堡嘅所有地方，基本上都用晒嚟做檔口。

呢個咁細嘅瞭望台都無晒，用咗嚟賣自家設計嘅玻璃飾物，不過我費事影lu。

其他地方都係賣啲自己製作同設計嘅物件。

又係時候睇表演，係細佬時段。

係木偶講故事，實在唔啱我同王子，啲細路就睇到好入神。

跟住輪到城堡巡遊。

呢個本來以為幾好，點知有啲失望，人太少啦，唔似巡遊囉。

跟住又係中世紀勁歌金曲，不過今次有現代鼓，啲音樂似蘇格蘭高地嗰啲。
本來晚上仲有營火會同火把雜技表現，但係我同王子都係費事等咁耐，返歸lu。