我的網誌清單

2016年12月20日星期二

Mittelalterlicher Adventsmarkt Stettenfels(1)

星期日,同王子去今年唯一個打算去嘅聖誕市集。
今次去嘅地方比較郊外,差唔多到達嘅時候,見到有牧羊人放羊呀。



今次去嘅地方响山上,唔夠位泊車,要先將車泊响山下某大企業嘅停車場,再搭接駁巴士上山,本來天陰陰,王子估無乜人,唔駛咁早去,不過我又堅持,好彩咋,我哋去到時,停車場已經幾滿吓,後來仲發現,已經無晒位,搞到啲人要泊响路邊,好似仲要食牛肉乾添呀,仲唔知會唔會俾人拖車。。。
但係主辦單位真係安排得幾好,每5-10分鐘就有車,每次嚟兩架,嚟一架呢,啲人就會點都想逼入架車,嚟兩架呢,龍頭果個人見迫人就唔上車,等第二架,咁,第一架車就唔會過滿,可以順利開車,而且可以一次過車走晒所有排緊隊嘅人添。

終於去到買飛嘅地方,已經見到有人盛裝出現啦。


入口仲有羊咩咩,好得意,當我話好得意時,有人竟然係咁响我耳邊話羊扒好好味。。。
。。。。。。。。。。。。。。


我哋今日要去嘅,係一個中世紀城堡聖誕市集。


有啲中世紀遊戲。


周圍都係火堆,因為得幾度咋,覺得凍,可以坐下圍住火堆取暖囉。


呢度啲嘢真係中世紀留落嚟㗎,好似呢個中世紀嘅遊樂場玩意,係檔主嘅祖先一代一代咁傳落嚟嘅。


仲係用人手推動嘅添。


由城堡望落去,全部係葡萄種植區,不過好大霧呀。


周圍都有啲中世紀嘢賣。



仲有中世紀fashion添。


同中世紀包包。


工作人員全部都要著中世紀服飾,不過其實嚟玩嘅人,好多都係著中世紀服飾。


呢檔係教人點紮繩同打結。


呢檔係示範打鐵。


呢檔係中世紀跑步機。


仲有中世紀摩天輪,不過未開工。


仲有石爐焗麵包,真係燒柴㗎。


天氣凍,都唔少人幫襯。


師傅好忙不斷整。


得兩樣嘢賣,一係呢種類似pizza包嘅物體。


二係腸仔包,不過個樣麻麻囉。


下集再繼續行。

30 則留言:

  1. 呢種市集好有地方特色。

    回覆刪除
    回覆
    1. 平常果啲已經睇到悶,係呢啲先有動力去吓

      刪除
  2. 哩度市集比較安全,
    柏林聖誕市集恐襲,
    又喺假扮成難民的恐佈份子所為😑😑

    回覆刪除
    回覆
    1. 呢度鄉下地方,連外地遊客都冇
      我諗恐襲同難民問題,仲係有排搞呀

      刪除
  3. 中世紀嘅聖誕市集維也納都有一個,但係冇嘢玩,只係飲飲食食.

    回覆刪除
    回覆
    1. 我哋好多呢啲中世紀嘢㗎,製作好認真添呀

      刪除
  4. 好有特色,難怪你堅持要去,而王子又乘機抽水想食羊扒……嘻!

    回覆刪除
    回覆
    1. 唔係呀,係我哋兩個都想去,但係我要早啲到,我怕冇車位呀,王子就話晏啲都得,好彩最後都有位

      刪除
  5. 呢個以中世紀為主嘅有吸引力喎
    你地 Berlin 遇襲係咪好嚴重?

    回覆刪除
    回覆
    1. 平常果啲已經睇到悶,係呢啲先有動力去吓
      都係鋪天蓋地咁報道囉,但係我覺得都係廢話,無解決方案嘅,可能怕無得連任,大嬸好似軟化咗啲

      刪除
  6. 回覆
    1. 好多係堅古董嚟㗎,話連連幫佢哋翻新維修

      刪除
  7. 「羊咩咩,好得意,當我話好得意時,有人竟然係咁響我耳邊話羊扒好好味。。。」所以話,同一事物男人和女人諗野係唔同嘅!

    回覆刪除
    回覆
    1. 通常我見到羊咩咩都覺得佢哋太可愛,要食佢實在好慘,但係去到水族館呢,我就想起食海鮮,王子反而覺得我痴線

      刪除
  8. 聖誕市集真係好有氣氛,可惜這裡太熱,哈哈哈

    回覆刪除
  9. 好有趣!玩得好認真!你地最後有無著古裝?Hahaha

    回覆刪除
    回覆
    1. 無啦,我哋真係唔係專業參與者

      刪除
  10. 回覆
    1. 平常果啲已經睇到悶,係呢啲先有動力去吓

      刪除
  11. 好特別啊, 之前係英國都參加個這些復古市集, 工作人員穿晒古裝, 係castle 睇人煮飯, 好好玩架.

    回覆刪除
    回覆
    1. 呢啲得意啊,又可以睇番呢個國家以前嘅歷史同民生

      刪除
  12. "羊扒好好味",哈哈,DD看見啲魚都係講可以蒸或者煎,哈哈哈

    回覆刪除
    回覆
    1. 哈哈,我同DD一樣㗎,去到水族館唔係欣賞,係想食。。。

      刪除
  13. 只有外國人先會保留住啲舊物品, 中國人早就丟咗好耐, 點可能一代傳一代留落嚟呀, 除非係金銀珠寶.

    回覆刪除
    回覆
    1. 我諗未必係想丟,以前中國啲大戶人家都收埋唔少嘢,但係經歷完戰爭之後又有文革,好多舊物品已經被破壞或者搶走咗,另一個原因係天氣,潮濕嘅話好難保存

      刪除
  14. 咁多嘢玩小朋友去實開心

    回覆刪除