我的網誌清單

2016年5月31日星期二

芝士汁白蘆筍

買咗咁多白蘆筍,一定要好好利用,用來做唔同嘅餸菜啦。
今日係芝士汁白蘆筍。
白蘆筍要先處理好,刨走面嘅絲,否則會有渣。
易潔鑊內加入少少油,大火煎煎啲白蘆筍。

2016年5月30日星期一

夜購

久不久,有心情時,我跟王子會去夜購。
就是在超市關門前兩小時,去睇下有冇跳樓貨,通常假期前就最多。
星期日,我哋嘅超市全線唔開,星期六晚見天氣好好,又去睇下囉。
呢排新嘅農產品未上場,生果同菜都好貴,雖然小菜園有收成,但有些想吃但又沒種的,就要出去買。

2016年5月28日星期六

白蘆筍素肉卷

呢排白蘆筍當造,又平又靚。
今年少咗食肉,多咗食魚同食素,亦開始研究吓新嘅素食譜。
今次整白蘆筍素肉卷。
先整個素肉。
120g麩質蛋白粉(vital wheat gluten flour)+20g普通麵粉+少少蒜粉+少少黑椒粉,拌勻。
大半杯水内加入1/3茶匙鹽,1湯匙豉油,1/2茶匙糖,拌勻。

2016年5月27日星期五

椰汁魚露雜菜雞柳

天氣又回暖,應該真係開始暖啦。
這日,想食啲東南亞風情嘅嘢,整咗椰汁魚露雜菜雞柳,配紅豆飯。

2016年5月26日星期四

新鍋

以前一直唔敢用壓力煲,由初初好怕有意外,到買咗之後,發現原來好好用,一啲都唔危險。我講唔危險,係要買啲新科技,商譽好嘅牌子,老老實實,如果平,但係個技術差,平極都唔會買,費事有乜意外。
用咗好幾年,依家已經用到無咗佢唔得,煲湯煲粥煲湯水炆嘢燉嘢蒸糕蒸餸翻熱,都係佢。
年幾前開始覺得一個唔夠用,煲到湯時又炆唔到嘢。
原因係,我唔鍾意幫佢排壓,我鍾意佢自然排壓,咁樣可以透過餘溫煮食,慳能源嘅同時,壓力煲個膠圈會襟用啲,煮食效果亦好啲。
一直留意住想要多個,不過我已經有一個大嘅不銹鋼,所以想試下買下面呢一種。
等咗好耐,終於等到心水價,即刻買。
拿拿拿,我唔係賣廣告㗎,我真金白銀俾錢買㗎。

2016年5月25日星期三

瑤柱粟米雞粥

某日,完全好似失咗憶咁,完全唔記得咗王子有飯局,唔返屋企食晚飯。。。
雖然未煮餸,但係已經洗咗米,咁唯有將佢改裝啦。
啱啱雪櫃有隻粟米雞,奧地利貨,响平價超市買,又平又好食,起咗啲肉,骨頭同個雞腔斬件,加入1茶匙鹽醃30分鐘。

2016年5月24日星期二

再挑戰,懶人版自製麵筋

之前整咗一次懶人版自製麵筋,已經對麩質蛋白粉(vital wheat gluten flour)呢個產品好滿意,但係做出嚟嘅齋比我平時食開嘅,硬咗啲啲,今日用另一個方法整。
今次一次過做兩個實驗。
兩邊都係300g麩質蛋白粉+50g普通麵粉,兩盤粉首先拌勻,要將兩種唔同嘅粉徹底結合在一起。一盤係用普通暖水逐少逐少加,直到麵糰唔再吸水,再搓幾分鐘,蓋上布,等30分鐘。
30分鐘後,用剪刀剪一小塊,放入油內中火炸到金黃。
如果太黏,用水濕下就可以。

2016年5月23日星期一

Pasta Omelette

昨天有位小女孩來我家,是王子同事嘅囡囡,爸爸生日,想同媽媽單獨出去玩。
點解叫佢小女孩,唔係叫佢小公主呢?因為佢話,佢唔係公主,只係普通小女孩。
我們這裡唔流行baby sitting,即使有,都貴到飛起,我有個美國朋友,經常抱怨唔方便。
囡囡開始長大,爸爸想佢學習獨立同其他人相處,同時媽媽又要學下放手,所以大約一年半前,久不久會帶佢嚟,今次係第一次放低佢全日响我哋屋企。
不過呢,佢哋無端端話想食埋晚餐先返嚟,所以我要準備嘢俾小女孩食。
小女孩出名唔鍾意食嘢,我是是但但整咗番茄雜菜pasta,同炸魚手指俾佢。
食剩咗啲啲pasta,我唔鍾意食隔夜餸,所以會將佢改裝,成為一人午餐。

2016年5月21日星期六

沙律菜包糯米波波

王子好鍾意食糯米,佢响泰國食過糯米波波,好鍾意,久不久都講。
這天,我們便來個糯米波波餐。
糯米蒸熟,放涼一點,搓成糯米波波。
小菜園嘅沙律菜長大了很多,摘咗唔同款式,用來包啲糯米波波。
配菜有兩款香草:莞茜同綠蘇,仲有碌冧漬蔬菜,同魚露雞。

2016年5月20日星期五

印度芒果

王子嘅印度同事出差,順道帶點手信,這次碰上是印度芒果當造嘅時候,真好!
王子最初帶咗三個回來,後來陸陸續續再帶五個回來,原來有同事未食過芒果,亦不打算試食。。。真奇怪啊。。。
人人皆知王子愛芒果,佢就最得益啦,唔食果啲同事全部俾晒佢。

2016年5月19日星期四

自助手卷晚餐

有好幾日冇食魚啦,又係時候食返餐。
整定啲醋味飯團波波,魚生,苜蓿芽,紫菜等等。。。
今晚食手卷,仲係自己包,次次整手卷,整完一碟啲紫菜已經由脆卜卜變成淋pat pat,今次索性自助形式,自己手卷自己捲。

2016年5月18日星期三

碌冧漬蔬菜

昨天用來伴厚蔥油芝麻大餅食嘅漬物,係我好喜歡嘅碌冧漬蔬菜。

2016年5月17日星期二

厚蔥油芝麻大餅

最近嘅蔥平咗好多,買咗一紮,整咗幾樣嘢食,仲係有好多。
咁不如整一次厚蔥油芝麻大餅吧。
前一晚,將150g麵粉,加入少少酵母粉,逐少逐少加入暖水,搓成一團,唔使靚唔使光滑㗎,然後入盒入雪櫃。
第二日,佢變咗老麵。

2016年5月16日星期一

新舊交替

上星期天氣好好,見到小菜園嘅新舊交替,真係睇到人心花怒放。

2016年5月15日星期日

彩色素食

反正整咗麵筋,咁不如晚餐食素啦。
兩個人,我哋嘅素食餐都好豐富。

2016年5月14日星期六

懶人版自製麵筋

這天,突然好想食麵筋。
以前我都試過自己搓粉洗麵筋,不過要做好多功夫先得少少麵筋,而且要浪費好多麵粉,玩咗幾次就無繼續。
是日試下懶人版自製麵筋,呢啲係麩質蛋白粉。

2016年5月13日星期五

二次再造

家中食剩一大盒素韓式涼拌粉絲。
是日嘅任務,係清咗佢,來個二次再造。
於是整咗蔥油餅之餘,用咗部份麵糰同部份粉絲嚟整粉絲煎餅。

2016年5月12日星期四

晴天

又係晴天嘅一日,同王子去屋企附近嘅農田散步。
油菜花進入盛放嘅狀態。

2016年5月11日星期三

肉醬意粉

去藥妝店掃減價貨,經過超市,見到優質肉碎半價!!!仲要有好多盒!!上倉!!
突然好想好想食肉醬意粉。
真係好耐冇食過啦。

2016年5月9日星期一

野韭菜醬漬三文魚井

做好嘅wild garlic pesto(野韭菜醬),大部分都係入咗冷藏庫,只留下一小部分做晚餐。
野韭菜醬通常係用嚟整意粉,搽麵包咁,今次我用嚟漬三文魚。

2016年5月8日星期日

Wild Garlic Pesto

在森林裡見到咁多wild garlic野韭菜之後,王子第二天,立即帶齊工具去採摘。
採摘一陣已經一大籃。

2016年5月7日星期六

探索

搬咗新居之後,久不久都有掛住舊居嘅後山。
這星期,王子攞咗一日假,加埋公眾假期,有四日連假呢。
天氣超級好,我哋決定去探索吓屋企附近嘅自然環境。

2016年5月5日星期四

清理

最近一個月要清理小菜園,無形中得到好多菜,外出買菜量大大降低。
今日搞掂一部份農活,咁又利用啲自家農作物,預備晚餐。

2016年5月4日星期三

眉豆味噌

今個春天最後嘅味噌嘗試,係眉豆味噌。
無他嘅,我喜歡食眉豆,咁又試下囉。
平時煮眉豆,總係白白的,原來煮一堆眉豆時,中間黑色嘅一點,係會染黑其他㗎。

2016年5月3日星期二

博物館之夜(10)

睇完豬博物館,下一站,我哋去睇一啲平時冇得睇嘅嘢。
我哋係內陸城市,無海邊,但係有河流貫穿,所以一樣可以用嚟做航運,航海唔得,可以航河。
今日可以睇下河邊貨櫃碼頭嘅工作情況,仲有貨櫃碼頭射燈表現,類似幻彩詠香江啦。。。
平時呢個碼頭區係唔開放嘅,所以我哋最多可以揸車遠遠見到,但係完全唔知入面係點。

2016年5月2日星期一

黃西瓜

去街街濕平,見到有人食西瓜。
不經不覺,原來西瓜悄悄上場了,只是,仲係貴到飛起。
好想食就唔理啦,回家途中,去超市買!!!
竟然見到有黃西瓜,其實我仲未試過,皆因次次見都貴到飛起,而紅西瓜因為剛剛上市,仲係好貴,今次竟然仲貴過黃西瓜,咁要試試黃西瓜啦。