夜購

久不久，有心情時，我跟王子會去夜購。
就是在超市關門前兩小時，去睇下有冇跳樓貨，通常假期前就最多。
星期日，我哋嘅超市全線唔開，星期六晚見天氣好好，又去睇下囉。
呢排新嘅農產品未上場，生果同菜都好貴，雖然小菜園有收成，但有些想吃但又沒種的，就要出去買。

這個星期食咗兩次國產白蘆筍啦，品質好好，王子大讚。
超市跳樓價：500g一包，只係2歐！！

仲有西班牙產嘅黃金桃，好香，都係2歐，唔算勁平，但係王子鍾意食就得啦。

跟住係沙律菜，全部都係三蚊左右港紙一盒咋。
買咗火箭菜，呢個王子最討厭食，我買俾自己食嘅。

另外仲買咗羊萵苣（nut lettuce）。
呢兩種小菜園都無，不過好老實講，我們已經有點被寵壞，沙律菜，還是小菜園嘅好食。。。

呢個係最最最抵買嘅櫻桃蘿蔔，大大一扎係幾毫子港紙，重要勁新鮮。。。

是日嘅蔬菜統營報價完畢，多謝收看，哈哈哈。。。