彩色素食

反正整咗麵筋，咁不如晚餐食素啦。
兩個人，我哋嘅素食餐都好豐富。

沙律其實係今日嘅主菜，今日沙律係芝麻醬拌雜菜。

仲有個麵筋齋，佢嘅口感比較扎實，唔係淋pat pat果種，反而係似齋燒鵝，齋叉燒果種，但係再實啲啲，因為佢比較扎實，炆嘅時間要長啲，直到軟硬度適合自己口味。
隻粉就本身好有香味， 整出嚟嘅麵筋香氣十足。
因為今次係我第一次用呢個食材，下次會再實驗下，睇下點樣可以控制佢嘅口感。

紫菜甜蛋卷上一個星期整過，王子大讚，今次加咗佢好鍾意嘅蔥花，整成紫菜蔥花甜蛋卷，佢仲更加鍾意。

主食係扁豆飯。