沙律菜包糯米波波

王子好鍾意食糯米，佢响泰國食過糯米波波，好鍾意，久不久都講。
這天，我們便來個糯米波波餐。
糯米蒸熟，放涼一點，搓成糯米波波。
小菜園嘅沙律菜長大了很多，摘咗唔同款式，用來包啲糯米波波。
配菜有兩款香草：莞茜同綠蘇，仲有碌冧漬蔬菜，同魚露雞。

選擇好自己想要嘅配搭，包起就食得。
糯米波波嘅口感同一般飯團好唔一樣，係極之彈牙，好Q嘅感覺，有機會要試試。

糯米波波我刻意整多咗，吃完飯抖一陣，可以用來做甜品。
家中還有印度芒果，立刻用來做王子愛吃嘅芒果椰汁糯米。
呢個甜品我麻麻，於是一早為自己準備咗凍紅綠豆沙牛奶。
我一半都未食完，有人已經大叫，話要多一碟，吓！呢碟都唔少嘢喎，仲食？！
好彩我真係仲有一份糯米波波同椰汁，本來留第日食嘅，依家拎埋出嚟，切多個芒果就搞掂啦。
食完第二份，有人飽到反艇。。。