碌冧漬蔬菜

昨天用來伴厚蔥油芝麻大餅食嘅漬物，係我好喜歡嘅碌冧漬蔬菜。

濕氣重，天氣熱，呢個最啱食。
醃料其實係碌冧，做法之前都介紹過。
用一個大嘅玻璃樽，調好半樽碌冧，加入已經切條嘅蔬菜，放入雪櫃。

兩小時後，已經漬好，打開蓋，會聞到好大陣東南亞食品嘅味道。
可以用來做配菜／開胃小菜，係炎夏嘅極品，唔會食到成身汗。
有時呢樣亦係我嘅零食，睇睇下電視，夾一碟出來食，都唔錯。
呢樽碌冧可以漬2－3次㗎，不過每次個味會淡咗少少，所以漬嘅時間要長番兩至三小時。
如果你係素食者，但係又想自己整，咁點算呢？可以用日本醬油+鹽代替魚露，都好好味㗎。