我的網誌清單

2016年5月24日星期二

再挑戰,懶人版自製麵筋

之前整咗一次懶人版自製麵筋,已經對麩質蛋白粉(vital wheat gluten flour)呢個產品好滿意,但係做出嚟嘅齋比我平時食開嘅,硬咗啲啲,今日用另一個方法整。
今次一次過做兩個實驗。
兩邊都係300g麩質蛋白粉+50g普通麵粉,兩盤粉首先拌勻,要將兩種唔同嘅粉徹底結合在一起。一盤係用普通暖水逐少逐少加,直到麵糰唔再吸水,再搓幾分鐘,蓋上布,等30分鐘。
30分鐘後,用剪刀剪一小塊,放入油內中火炸到金黃。
如果太黏,用水濕下就可以。


另一盤係用普通暖水+適量酵母粉,拌勻加入,搓麵方法同上面一樣,不過今次係等2小時,而且中間要加水幾次,每次搓多一分鐘。
2小時後,佢變咗咁樣,好似自己用洗面粉方法整出來嘅麵筋。


又係用剪刀剪一小塊,放入油內中火炸到金黃。
加咗酵母粉果一盤,炸嘅時候明顯地係鬆啲,而且發脹得勁啲。


炸完,兩盤比較下。


無用酵母粉果一盤,明顯係實淨啲,中間仲有肉嘅感覺。


加咗酵母粉果一盤,感覺泡泡啲,似街邊拮魚蛋時,有時會有一串串齋麵筋,嗰一種囉。


跟住各自炆煮,今次麵糰軟咗,煮嘅時間比上次短。
無用酵母粉果一盤,大概炆煮15分鐘左右。
加咗酵母粉果一盤,大概炆煮8分鐘左右。

今次整咗四種口味,有齋叉燒,咖喱齋,豉油齋同酸齋。
食後感係,勁。好。味!!同平時齋舖買嘅係一樣㗎!!
王子大讚今次好好食,佢起初對呢類食物感覺麻麻,依家態度轉晒啦。


21 則留言:

  1. 回覆
    1. 爭把鉸剪同啲膠袋就可以開檔啦

      刪除
  2. 回覆
    1. 如果買到呢隻粉,自己整就好方便囉

      刪除
  3. 四種口味好似去咗齋鋪.

    回覆刪除
  4. 回覆
    1. 王子都係,首選係酸齋,所以特別大碗

      刪除
  5. 實D果隻用來做齋叉燒好正^^

    回覆刪除
  6. 好勁!多謝分享成果!!!可以就咁跟住做!

    回覆刪除
    回覆
    1. 如果買到呢隻粉,其他就好簡單喇

      刪除
  7. 想知加了普通麵粉和不加會有甚麼特別?
    因為上次你說那種是可以一搓好就炸。

    回覆刪除
    回覆
    1. 因為我買嘅係100%純嘅麩質蛋白粉,上次唔加麵粉,覺得硬咗啲,唔係我心目中想要果回事,加咗麵粉,個麩質純度會弱咗,咁出嚟嘅麵筋會柔軟返啲,而一搓好就炸,個麵筋又係會硬啲,比佢鬆弛一下,吸下水,又會柔軟返啲,所以係要靠呢兩樣因素嘅改變,去決定麵筋嘅口感

      刪除
    2. 我今日終於整咗麵筋,正如你話硬咗啲,但我也有俾佢鬆弛半個多小時。
      下次我會跟你加番多些少麵粉。
      謝謝指教啊!

      刪除