Wild Garlic Pesto

在森林裡見到咁多wild garlic野韭菜之後，王子第二天，立即帶齊工具去採摘。
採摘一陣已經一大籃。

咁後期工作，梗係我啦。
Wild garlic嘅其中一個特點，係可以採摘嘅日子好短，採摘要趕在開花前，一年係得一個月左右，而且wild garlic唔適合加熱，同韭菜唔同，加熱之後佢嘅香味會消失。
要保存佢，我打算整wild garlic pesto。
整pesto好多時係用pine nuts，我屋企冇（太貴啦！！！），咁用葵花子代替。
將wild garlic洗淨，抹乾水，加入鹽，靚嘅橄欖油，葵花子，搞碎，便是我的基本版pesto。
我沒有加入其他元素，因為要保留將來做其他食譜嘅彈性呢。

 之後將食物膠袋套在小杯中，放入pesto。

綁好一袋袋，再放入膠盒內冷藏，要吃時拿出一份來解凍就可以。
其實亦可以將佢製成冰粒，再冷藏，不過我唔想個雪櫃一大陣味，所以鍾意用呢個方法。
做好嘅pesto可以變化成不同嘅食譜，明天再講講。