清理

最近一個月要清理小菜園，無形中得到好多菜，外出買菜量大大降低。
今日搞掂一部份農活，咁又利用啲自家農作物，預備晚餐。

小菜園嘅最後兩個swede都清埋啦，可以煲個A貨青紅蘿蔔湯。

見blog友整咗韓式蛋卷，我又好想食，不過諗住下個禮拜先整，點知買蛋時跣手，整裂咗兩隻，咁擇日不如撞日啦，整咗紫菜甜蛋卷，加埋車里茄，仲有韓式涼拌牛蒡葉，當一個素頭盤。

清埋啲kale，用咗一半，加啲甘筍雞肉，做個小炒。

天氣漸漸暖和，希望小菜園嘅植物繼續努力，等我哋可以盡快食到新種嘅蔬菜！