椰汁魚露雜菜雞柳

天氣又回暖，應該真係開始暖啦。
這日，想食啲東南亞風情嘅嘢，整咗椰汁魚露雜菜雞柳，配紅豆飯。

雞柳用魚露，糖，少少老抽醃1小時。
茄子，甘筍，翠玉瓜切小件。
用少少油，煎煎茄子，盛起，加少少油，炒炒甘筍，盛起。
加少少油，炒炒雞柳，盛起。
將甘筍回鑊，加入半杯水，加蓋，中小火煮10分鐘，加入一杯鮮奶，魚露，糖，鹽調味。
加入茄子，翠玉煮3分鐘，加入雞柳再煮3分鐘，加入椰漿，試味。

簡簡單單，咁又完成一餐。