素親子井

這天，食日式素，來個素親子井。
都係啲快手嘢啦。
我呢個係兩人份量。
素高湯一杯，加入幾片香菇，一片昆布，慢火煮5分鐘，取出。
其實如果唔介意可以唔取出，食埋佢。

第一燒

自從踏入夏季，經常聞到附近鄰居燒嘢食。
王子次次聞到香味，都流晒口水。
不過呢，其實我唔係燒嘢食嘅狂熱分子，尤其係西洋嘅燒烤方法，如果係熱辣辣嘅日子，更加咪攪我。
我家連燒烤爐都有兩個，不過一直未開光。
這日，雖然日間天氣熱，但係趁著傍晚收太陽又有風，我哋終於開始咗第一燒。

椒鹽蠔菇

某天夜購，大量蔬菜生果大平賣，其中一樣，係蠔菇。
蠔菇我們久不久都買到，但係價錢就較高。
超級新鮮啊，一啲跳樓貨感覺都無，買咗四盒，打算食兩盒。

牛骨雜菜湯

某日嘅跳樓貨，係牛骨。
1.4kg呢個價錢，真係平到冇朋友。
已經好耐冇煲過牛骨湯，咁又煲吓啦。

豉汁排骨蒸飯

三色貓意外到來我家，重擔，當然落在我身上。
佢嘅突然出現，打亂晒我嘅生活圈子同時間表，突然要花時間了解佢，愛護佢，同佢建立關係，而且，佢起初十分黐身，經常要求我嘅關注，無論我去到哪裏，它都追隨著，不見了我，變會到處找我，貓貓叫，好攰啊。。。

去向

要撥開三色貓嘅耳仔毛，再去睇佢嘅紋身，需要先取得佢嘅信任同令佢覺得舒服，才可以觸碰佢嘅耳朵。
用咗兩日嘅時間，終於睇到，但係睇唔清楚。
獸醫嘅電話，仲可以响互聯網上碰碰運氣，編號呢，就真係唔得啦。
試咗幾次，獸醫都話唔吻合。
去到第四次，謝天謝地，終於啱啦。
原來，佢已經兩歲，登記地址在我家300米附近。

偵查

最初遇見三色貓嘅時候，只覺得佢有點瘦，很嗲，很想得到愛。

貓紋身

我跟王子一直都覺得，三色貓，應該係一隻好命貓。
佢應該有一個負責任嘅主人。
我們這裡，如果打算將貓放養，首先要俾佢响屋內住幾個月，體型開始較成熟，可以保護自己，就可以開始放佢出花園，慢慢接觸外面嘅世界，然後，佢自然會拓展佢嘅新天地。
不過响放佢出去前，要先做好絕育手術，同埋貓其實好易蕩失路，所以要幫佢紋身。
打從第一天我哋遇見三色貓，已經見到佢嘅紋身。
唔知你見唔見到？

睡寶寶

有好幾天，三色貓無來探訪，我有啲擔心，王子便笑說：早晚你會習慣，它是放養貓，神出鬼沒是特性。
突然，它又出現啦，有時會在我家門前等候，有時會貓貓叫，等我開門俾佢。
漸漸地，它開始覺得我家安全，便睡起覺來。
某日，外面天氣熱，佢一早便來到我家，玩一陣，巡視吓，食吓點心，享受下按摩，跟住就開始瞓覺。。。王子說：呢啲先係人（貓）生勝利組啊。。。
我家嘅大梳化佢可以隨便睡，可以在所有房間玩耍，另外等佢舒服啲，佢有專用嘅大咕臣。
佢愛死呢個大咕臣，好似一張king size床，好舒服咁，一睡便一整天。

超市家庭同樂日（2）

講明同樂日，一定要有遊戲啦。
大人嘅遊戲，主要都係買買買，試食，同抽獎。

超市家庭同樂日（1）

某超市年年都搞家庭同樂日，我唔係年年去，今年就有去。

牛筋腩飯

早幾個星期，王子途徑亞超，叫佢幫我買咗幾盒牛筋。
牛筋成日缺貨，見到就要入多幾盒，放响冰格，以便不時之需。
某日，牛筋腩毒癮發作，典床典蓆，立刻煮返餐嚟解毒。

一期一遇

在小菜園淋水時，發現咗一件奇怪事。
就咁睇，你覺得佢係乜？
大概係番茄仔吧。

黃金機會

我家附近，大部分嘅鄰居，都只係養狗。
貓嘅數目，似乎唔多，暫時我只見過幾隻。
最近幾個月，有隻三色貓，久不久會出現下。
某天清晨，王子仲响路上遇到佢，同佢玩咗一陣。
王子係貓奴，從嬰兒年代已經同貓相處，見貓就愛，搬新家後想過自己養返隻貓，但係一放假就無人照顧，所以都係諗吓就算。
我跟王子說，某天，或許會有鄰居養嘅貓投懷送抱，那時，便是緣份到嘅黃金機會。
某天晚上，我望出窗外，見鄰居嘅兩個小孩，正同三色貓玩，連忙叫王子出去趁熱鬧。
小孩以為王子是主人，原來三色貓經常去佢哋屋企地牢瞓覺，但係佢哋一直唔知係誰家嘅貓。
王子見到佢，奴性大發，不斷幫佢按摩。

梅菜扣肉

我很少買豬腩肉，煙肉之類都很少吃。
某天晚上，夜購時碰上它們。
實在太便宜啦，而且仲係五花腩呢。。。。。。

蝦乾姬松茸大翠肉瓜湯

突然三十五度呢，真有盛夏嘅感覺。
天氣熱，翠玉瓜長得特別快。
本來想讓佢再長大多一點才吃，但係突然好想滾燙，咁就採收咗我今年嘅第一瓜啦。
幫佢磅重，有500g呢。

白蘆筍蘑菇暖沙律

原來呢篇寫好，一直唔記得post。
某日，跳樓貨白蘆筍，遇上跳樓貨蘑菇，佢哋之間，仲出現咗响小菜園超生嘅迷迭香同沙律菜。
於是，我決定一次過，解決呢個四角關係。
先預熱焗爐至230度。
白蘆筍，蘑菇，迷迭香，加入多一點嘅油，適量鹽，黑椒碎，義大利陳醋，拌勻，入焗爐上層烤大約15分鐘，取出。

放涼一會，趁還暖時，放在沙律菜上，加啲裝飾，食得。
王子好鍾意食呢個沙律，要求再買到跳樓貨時， 再重做一次。。。

本地白蘆筍已經過咗造啦，要食又要等出年。

小菜園近況

天氣不似預期！
這一年嘅天氣超多雨水，溫度高企嘅日子，暫時也不算多。
踏入七月，和暖天氣開始穩定，植物開始生長得快一點。
某天發現，我家嘅年度第一瓜，終於出現啦。
是翠玉瓜呢。

香菇醬炒時菜

之前做嘅香菇醬，做好一盒，放在雪櫃，可以吃上一星期以上，放在冰格，更加可以儲存好幾個月。
除咗可以拌麵吃，也可以用來撈飯食。
另一個用途，係變身成為無添加嘅素食萬用醬。
這一年嘅天氣時晴時雨，沙律菜長得最高興。
開始老嘅沙律菜，我會當油麥菜咁食。
試過白灼，又試過清炒，王子都係嫌棄，覺得太清淡，筷子動也不動。
這次用香菇醬炒，便是另一個光景啦。
菜洗淨，切小段。

夏日特飲

我家，好少買汽水。
一年當中，可能會買一兩次無糖汽水，買得最多嘅時候，係因為有訪客到。
我哋比較習慣，自製夏日特飲，都係啲健康啲，低糖或者無糖嘅特飲。
今次訪客帶來大量物資，其中兩樣，係山楂同菊花。

豬扒菜飯

某一天，個人好懶，但係又好肚餓。
雪櫃仲有啲小棠菜，同兩塊豬扒。
本來懶惰到，想全部放晒落湯，煮熟就食，後來想想，這樣實在對不起啲食材。
於是，乖乖地，就去整勤力少少嘅碟頭飯。

香菇醬

周末食得太多肉啦。
今日要整返餐素食。
整乜好呢？？
我家王子喜愛吃香菇，就整佢好鍾意嘅香菇醬吧。
一大碗嘅香菇，唔需要用名貴貨色，細細隻嗰啲已經得。
洗一洗，再用清水浸軟，取出，保留浸香菇水備用。
香菇加入幾片薑，幾粒蒜頭，搞碎，盡量搞碎一點。
如果你無攪拌機，可以用手剁。

釀大磨菇

王子見到我買到大蘑菇跳樓貨，立刻食客上身，要求食釀大磨菇。
小菜園嘅羅勒，又係時候要採收一次啦，一大碗，洗乾淨，剁碎。
大磨菇去椗。

豬扒包

唔知點解，有一日，完全無肚餓嘅感覺。
全日，淨係食咗幾次郊外油菜，郊外即係小菜園囉。
晚上上網，見到人哋post豬扒包嘅相，突然間，果種肚餓嘅感覺好澎湃。
王子想言道：晚上不要懶好奇走去睇人哋啲美食相，否則後果有如潘朵拉的盒子，一發不可收拾。
好肚餓好肚餓好肚餓好肚餓好肚餓。。。。。
我買咗跳樓半熟包喎！
上面寫著brotal lecker，玩食字，即係解堅好食，係洋蔥味嘅有機半熟包。