豬扒包

唔知點解，有一日，完全無肚餓嘅感覺。
全日，淨係食咗幾次郊外油菜，郊外即係小菜園囉。
晚上上網，見到人哋post豬扒包嘅相，突然間，果種肚餓嘅感覺好澎湃。
王子想言道：晚上不要懶好奇走去睇人哋啲美食相，否則後果有如潘朵拉的盒子，一發不可收拾。
好肚餓好肚餓好肚餓好肚餓好肚餓。。。。。
我買咗跳樓半熟包喎！
上面寫著brotal lecker，玩食字，即係解堅好食，係洋蔥味嘅有機半熟包。

原價貴到離地，咁應該用料上乘啦。

屋企又有跳樓價豬扒，快快手焗豬扒同包，跟住出小菜園搵幾塊生菜返嚟。
跳樓價豬扒包餐面世！！
食完，飽肚上心口。。。。
個包，真係幾好食嘅，裡面勁多洋蔥，但係值唔值呢個價，真係見仁見智啦。