香菇醬炒時菜

之前做嘅香菇醬，做好一盒，放在雪櫃，可以吃上一星期以上，放在冰格，更加可以儲存好幾個月。
除咗可以拌麵吃，也可以用來撈飯食。
另一個用途，係變身成為無添加嘅素食萬用醬。
這一年嘅天氣時晴時雨，沙律菜長得最高興。
開始老嘅沙律菜，我會當油麥菜咁食。
試過白灼，又試過清炒，王子都係嫌棄，覺得太清淡，筷子動也不動。
這次用香菇醬炒，便是另一個光景啦。
菜洗淨，切小段。

鑊內加入香菇醬，開火。
香菇醬開始熱，加入菜炒一會。
香菇醬本身已經調咗味，所以一般唔駛再落調味。

菜熟便可上碟。
這個菜式，很像台灣嘅肉燥A菜，只是，這是個素版。
如果你連炒菜都唔想，仲簡單，將菜灼熟，淋上已加熱嘅香菇醬，又係另一個形式嘅素肉燥A菜。

這個菜式，幾分鐘就可以上碟，很適合懶／工作忙／趕住煮飯嘅人。