香菇醬

周末食得太多肉啦。
今日要整返餐素食。
整乜好呢？？
我家王子喜愛吃香菇，就整佢好鍾意嘅香菇醬吧。
一大碗嘅香菇，唔需要用名貴貨色，細細隻嗰啲已經得。
洗一洗，再用清水浸軟，取出，保留浸香菇水備用。
香菇加入幾片薑，幾粒蒜頭，搞碎，盡量搞碎一點。
如果你無攪拌機，可以用手剁。

燒熱鑊，加入油，加入香菇碎，一湯匙糖，用中大火炒出香味，加入三湯匙紹興酒，炒炒。

加入香菇水，生抽，老抽，糖，兩杯水，用中小火煮十分鐘左右。

加入200g炸洋蔥片／炸蔥頭片。

煮多5分鐘，期間，可以試下味。
呢個醬，甜一點味道會較好。

跟住用一大碗生粉水打獻，個獻要杰啲。
煮滾，熄火，加入一湯匙麻油。
少少嘅材料，已經可以煮成一大鍋嘅香菇醬，多咗嘅，可以冷藏，隨時攞嚟用。

我今日食香菇醬伴素面。

香菇醬雖然係全素，但係味道就好香濃，而且仲有好多用途，有機會再分享下。