黃金機會

我家附近，大部分嘅鄰居，都只係養狗。
貓嘅數目，似乎唔多，暫時我只見過幾隻。
最近幾個月，有隻三色貓，久不久會出現下。
某天清晨，王子仲响路上遇到佢，同佢玩咗一陣。
王子係貓奴，從嬰兒年代已經同貓相處，見貓就愛，搬新家後想過自己養返隻貓，但係一放假就無人照顧，所以都係諗吓就算。
我跟王子說，某天，或許會有鄰居養嘅貓投懷送抱，那時，便是緣份到嘅黃金機會。
某天晚上，我望出窗外，見鄰居嘅兩個小孩，正同三色貓玩，連忙叫王子出去趁熱鬧。
小孩以為王子是主人，原來三色貓經常去佢哋屋企地牢瞓覺，但係佢哋一直唔知係誰家嘅貓。
王子見到佢，奴性大發，不斷幫佢按摩。

好舒服呀，舒服到瞇晒眼。。。。
當然啦，我家王子係貓界金牌按摩師啊。

心情好，突然表演撐脾。
睇佢啲動作姿態，應該仲係好年青。

終於坐定定，比我影佢寫真。

見到有昆蟲飛飛下，立刻好緊張。。。

仲有走入屋內參觀，玩咗陣，食吓貓點心咁啦。

就係咁，佢索性成晚响我家玩，有時又出下去，有時又响門口叫我哋開門。
玩到夜深，仲响我屋企門前瞓覺。
佢應該有唔少蒲點同遊樂場，跟住嘅幾日，仲光臨咗幾次，幫襯我家嘅按摩同餐飲服務呢。