豉汁排骨蒸飯

三色貓意外到來我家，重擔，當然落在我身上。
佢嘅突然出現，打亂晒我嘅生活圈子同時間表，突然要花時間了解佢，愛護佢，同佢建立關係，而且，佢起初十分黐身，經常要求我嘅關注，無論我去到哪裏，它都追隨著，不見了我，變會到處找我，貓貓叫，好攰啊。。。

小菜園嘅工作被我荒廢起來，某天，趁著三色貓午睡，我連忙去打理一吓，西洋菜又再長出來，還有些蜜糖豆，家中有排骨。
天氣最近真係好差，反差好大，趁著大雨過後，天氣無咁熱，真係要煲湯飲吓。
西洋菜素湯，加多個唔知幾耐無整過嘅豉汁排骨蒸飯，便是簡單二人餐。
王子勁鍾意呢個飯，經常說，咁簡單嘅嘢，點解可以咁好味。
我跟他說，中國人，真係懂得吃同煮嘅民族嚟㗎。
好耐冇食呢個飯，佢見到開心不已，胃口大開，食唔停呢。。。