貓紋身

我跟王子一直都覺得，三色貓，應該係一隻好命貓。
佢應該有一個負責任嘅主人。
我們這裡，如果打算將貓放養，首先要俾佢响屋內住幾個月，體型開始較成熟，可以保護自己，就可以開始放佢出花園，慢慢接觸外面嘅世界，然後，佢自然會拓展佢嘅新天地。
不過响放佢出去前，要先做好絕育手術，同埋貓其實好易蕩失路，所以要幫佢紋身。
打從第一天我哋遇見三色貓，已經見到佢嘅紋身。
唔知你見唔見到？

係耳仔內側嘅一堆字／數字。
只要撥開啲毛毛，就會睇到，如果隻貓貓走失，遇到好心人，便會幫忙打電話去相關機構，幫佢搵番主人。
要知道，突然唔見咗隻愛猫，係一件令人好擔心，又好傷心嘅事啊。
三色貓，當然也有絕育嘅標記啦，就在它那長滿軟軟滑滑白毛毛嘅肚仔中間。
我們想，會如此照顧它既主人，大概也不會壞到哪裡去。。。