牛骨雜菜湯

某日嘅跳樓貨，係牛骨。
1.4kg呢個價錢，真係平到冇朋友。
已經好耐冇煲過牛骨湯，咁又煲吓啦。

本來想整韓式牛骨湯，但係又唔多想食飯，最後都係整麵包，配湯算數。

牛骨有好多唔同種類，有啲會多啲油，有啲會少啲，我呢隻係牛頸骨，瘦肉多啲，無肥膏，煲湯出嚟就會有一絲絲牛肉食到，同埋冇乜油。
牛骨比豬骨硬好多，出水後，煲嘅時間要長好多。
煲到啲肉開始腍，再加入喜歡嘅蔬菜，香葉同調味，再煲到蔬菜腍，試下味，就完成啦。

是日常餐：牛骨雜菜湯，伴紫菜沙律香蔥包。