素親子井

這天，食日式素，來個素親子井。
都係啲快手嘢啦。
我呢個係兩人份量。
素高湯一杯，加入幾片香菇，一片昆布，慢火煮5分鐘，取出。
其實如果唔介意可以唔取出，食埋佢。

加入醬油2－3湯匙，糖2／3湯匙，味醂2湯匙（我用咗紹興酒），此時，廚房應該有一股好強烈嘅日式食堂香氣。
再加入菌類，我今日用雞油菌同蠔菇，中火煮幾分鐘，試味。

加入四隻已拌勻嘅雞蛋，煮1－2分鐘，熄火，等1分鐘左右。

等雞蛋變成半凝固，便可以放在飯上，灑上蔥花同紫菜。

素親子井，是日清淡嘅口味。