蝦乾姬松茸大翠肉瓜湯

突然三十五度呢，真有盛夏嘅感覺。
天氣熱，翠玉瓜長得特別快。
本來想讓佢再長大多一點才吃，但係突然好想滾燙，咁就採收咗我今年嘅第一瓜啦。
幫佢磅重，有500g呢。

新鮮嘅翠玉瓜帶甜味，而且口感柔軟，要保證新鮮，我煮飯前先採摘，切下來嘅翠玉瓜，切口會出現水珠，表皮亦會感到有啲毛毛。

之前已經整好咗個湯底，蝦乾姬松茸少少，洗乾淨，浸水一小時。
煲內加入少少油，放入幾片薑，炒香。
加入蝦乾姬松茸，炒出香味，再加入浸蝦乾姬松茸水，3杯水，適量鹽，加蓋用小火煮20分鐘，熄火，焗15分鐘以上。
為免室溫升高，我用上壓力煲，加壓5分鐘左右，熄火等20分鐘左右已經可以。

開飯前，將翠肉瓜加入煮腍，試味，放涼一點才飲用。
大嘅翠肉瓜味道有啲似節瓜，但係容易腍好多，這樣既湯水真係好啱夏天飲。
最難得係，王子覺得個湯底好鮮味，唔會覺得太清淡，仲好主動添飲呢。