偵查

最初遇見三色貓嘅時候，只覺得佢有點瘦，很嗲，很想得到愛。

最近三色貓經常响我家留宿，我跟王子開始覺得有點不尋常。
起初，我們怕三色貓主人擔心，想它回家去，讓主人見見它，可是，它一點離去嘅意思都無，很多時出去散散步便又在我家門前等候，或者去鄰居屋企寸門子。

後來想，可能是主人好少响屋企，三色貓好寂寞，於是經常外出，找別人去愛護佢。

有好幾次在家門前跟三色貓玩耍時，附近街坊總是問我們，是否養了新貓。

後來跟鄰居談起，發現咗唔少事情。

鄰居A：佢久不久會到我家花園留連，又會到我家地牢過夜。
鄰居B（資深鄰居）：之前未見過佢喎，好大機會係被遺棄啦。
鄰居C：佢有時會到我家地牢過夜，我哋試過周圍睇吓有冇人貼街招尋貓，但係冇發現啊，我哋都覺得佢好似無屋企咁。
鄰居D（八卦鄰居）：hmmm，唔知喎，係唔係鄰居E呢。。。(聲音變得好細，因為佢平時實在係無所不知，回答唔知應該唔係太習慣。。。）

跟住有時經過，都聽到啲唔係太熟嘅鄰居，正在討論佢。

大家，似乎都唔知佢係誰家貓兒。

資深鄰居後來跟我們說，其實呢啲事以前都發生過啦，特別係夏天暑假前，好多人想放假去旅遊，但係無人打理隻貓，想到以後無得放假旅遊，而且隻貓已經過咗最可愛嘅嬰兒時代，咁就遺棄佢囉，因為我哋嘅社區冇乜車，多自然環境，而且主要係連花園嘅屋，就會鍾意帶佢嚟呢度，然後遺棄。。。

王子就總是覺得，這麼可愛乖巧的貓貓，總不會有人捨得遺棄吧？！

我跟王子聽埋聽埋，覺得大家都係估估下，世事如棋，有著百般嘅可能性，往往同自己想像嘅不一樣，不過去查證啦。

某天晚上，我跟王子說，不如就憑個紋身去查吧。

王子贊成，立刻化身王子探員，原來，其中一隻耳嘅紋身係一個獸醫嘅電話，另一隻耳仔嘅紋身係佢嘅編號。

王子探員嘅報告， 下回分解。