超市家庭同樂日（2）

講明同樂日，一定要有遊戲啦。
大人嘅遊戲，主要都係買買買，試食，同抽獎。

呢個品牌，只要幫襯佢買一支飲品，就可以抽獎，而且一定有獎，獎品仲幾靚幾精美添。

大品牌，特別多贊助，呢架係樂隊車，中間其實係表演台。
時間仲早，啲樂隊仲未開工。

但係，遊戲方面，始終都係以小朋友為主打。

有一堆迎賓歡迎佢哋。

但係其實唔係個個細路受，睇下佢啲身體語言，擺明係不信任，觀望態度啦。

呢個好專業，見人影相，立即擺甫士。

呢個可以上台同佢一齊影相，其中有個細路上咗台之後勁驚，發狂咁喊，搞到吉祥物要急急除低頭套，解釋其實佢唔係猛獸，係人。。。。

小朋友想玩，首先可以去攞個pass。

跟住就可以任玩。

玩之前，可以先去化個妝。

揀好自己鍾意嘅妝容，化妝師就會做嘢。

有唔同style嘅妝容可以揀，呢檔嘅妝容似乎最受歡迎，人山人海。
化好妝，阿媽留倩影之後，就可以玩啦。

空中飛人啱玩嗎？

足球係呢度嘅大熱活動，又啱啱完咗大賽，好多同足球有關嘅遊戲。

仲有小型足球場，儲夠人就可以落場踢。

細路，你唔好彩啦，俾我影到你搲籮柚。

仲有呢啲滑梯，玩完要自己搬返去起點，就可以排隊再玩。

仲有車車。

都有啲益智啲嘅，呢個係俾6－9歲玩，主要係要佢將垃圾分類。

呢個俾細個啲玩，係模擬超市，教佢排隊，睇價錢，磅重等等。

啲細路玩得好認真添。

買完嘢，可以拎過去隔離廚房，玩煮飯仔。

吹氣類嘅遊戲，係小朋友都啱。

永恆的波波池，無分地域國界膚色。

迪迪尼遲啲有新戲上，呢個係宣傳活動。

好似好好玩囉。

永恆的贊助商。

仲有一堆bobby car。

究竟玩乜呢？？唔明，唯有走去睇說明。

原來係模擬超市送貨，佢哋收咗order，要執好貨，送去唔同屋仔。

 呢個係某個玩具品牌嘅贊助。

係玩沙畫，圖畫上面有啲貼紙，搣開之後，就可以灑啲沙上去，好似填顏色咁。

小朋友亦有佢哋嘅專屬購物，例如一啲健康零食。

亦有為咗持續將來嘅足球事業，有檔口專賣小朋友波衫同精品，亦鼓勵啲家長俾小朋友入球會，培養佢哋對足球嘅熱愛。