我的網誌清單

2016年7月3日星期日

釀大磨菇

王子見到我買到大蘑菇跳樓貨,立刻食客上身,要求食釀大磨菇。
小菜園嘅羅勒,又係時候要採收一次啦,一大碗,洗乾淨,剁碎。
大磨菇去椗。


碎肉加入燕麥與調味,加入一隻蛋,蒜粉, 少少生粉,攪拌至起膠,加入一半羅勒碎。
另外準備較杰一點嘅生粉水。
將生粉水掃上磨菇底部,再用餐刀釀肉。


蘑菇很大,很快便做好,我不想王子吃太多肉,所以沒有釀太多肉,如果你想多吃一點肉,可以放多一點。
其實用中型蘑菇都可以,只是釀嘅時間會長啲,煮嘅時間又會短啲。


鑊內放少少油,中大火煎肉嘅一面幾分鐘至金黃。


加入番茄,番茄膏,黑椒碎,鹽,糖,蒜粉,少少生抽,少少水。


煮幾分鐘後,反轉,再煮至汁液剩下一半。


試味,熄火,加入羅勒碎。


可以伴飯,伴意粉,我今日配新鮮焗起嘅麵包食。


19 則留言:

  1. 我這邊的快餐店會將釀了肉的蘑菇用脆漿來炸…

    回覆刪除
    回覆
    1. 呢個好食呀,我有諗過咁整,最後都係決定食健康啲

      刪除
  2. 呢個我以前都成日整,依家煮懶人餐多。

    回覆刪除
    回覆
    1. 我其實都好少整,呢種大磨菇唔係太常見

      刪除
  3. 回覆
    1. 呢個唔難,但係又唔算方便囉

      刪除
  4. 回覆
    1. 係呀,我哋係蘑菇平,冬菇貴

      刪除
  5. 回覆
    1. 可以啊,但係我哋鮮冬菇好貴呢

      刪除
  6. 好正啊﹗我少買大磨菇,因為開始唔買咸死人煙肉粒,而大磨菇除左放煙肉粒同芝士在內再焗外,我就唔知點用佢好 (切細粒就太浪費啦,咁貴!)。下次有特價可以買來整你呢款釀大磨﹗

    回覆刪除
    回覆
    1. 係啦,大磨菇貴呀,而且唔常見,可能呢排係grill season,咁就見多咗囉
      其實用中型磨菇都得,不過要多少少時間釀囉

      刪除
  7. 好正啊﹗我少買大磨菇,因為開始唔買咸死人煙肉粒,而大磨菇除左放煙肉粒同芝士在內再焗外,我就唔知點用佢好 (切細粒就太浪費啦,咁貴!)。下次有特價可以買來整你呢款釀大磨﹗

    回覆刪除