去向

要撥開三色貓嘅耳仔毛，再去睇佢嘅紋身，需要先取得佢嘅信任同令佢覺得舒服，才可以觸碰佢嘅耳朵。
用咗兩日嘅時間，終於睇到，但係睇唔清楚。
獸醫嘅電話，仲可以响互聯網上碰碰運氣，編號呢，就真係唔得啦。
試咗幾次，獸醫都話唔吻合。
去到第四次，謝天謝地，終於啱啦。
原來，佢已經兩歲，登記地址在我家300米附近。

我跟王子一早有共識，要主人解釋，為何唔見咗貓又唔搵佢，又唔聯絡獸醫。
如果他們刻意遺棄，我們不會讓他們知道我們住在那兒，也不會把三色貓交還。
很快，男主人已經致電我們，三色貓响兩日前清晨曾經回家一次，逗留一會又走了。
他們一家也發覺，佢最近經常唔見咗，有點擔心，但係因為佢久不久會回家露面，所以無貼紙尋貓。

王子跟我說，他們一定不是壞主人。

下午時分，他們家的女兒想來看看它，我也答應了。
不知動物是不是真有靈性，很奇怪，三色貓心情突然變得好差，唔想理睬我，跟佢平時甜姐兒嘅性格好唔一樣。

女孩到我家前5分鐘，三色貓突然走了，平常嘅佢，應該仲午睡緊，於是，我跟女孩開始聊天，等佢回來。

過程中，女孩神色有點怪異，起初我也不明所以，後來，卻懂了。
等了一小時，它也不回來，女孩只好帶著貓籠離去。

說也奇怪，女孩走後幾分鐘，三色貓就回來啦。

我連忙踏單車去告訴女孩，她媽媽便邀請我進去，聊起天來。
原來，三色貓本是鄰居棄貓，大約在三色貓五個月大時，他們鄰居買了一頭狗，狗卻不喜歡三色貓，狗狗日漸得寵，鄰居便決定不再讓三色貓回家，也不給餵食，讓它在街上流連，自生自滅。

後來，他們發覺三色貓長滿蝨子，而且變得皮包骨，而且什麼獸醫檢查也從來沒有做過，於是跟鄰居說，會收養它，帶它看獸醫，好好照顧它，後來，有幾次他們致電鄰居，看看他們是否想探訪三色貓，都被一口拒絕。

他們家其實也是獨立一間屋，有花園，一家四口連一隻狗，四隻貓，地方夠用，一直沒大問題。但係，佢哋屋嘅附近綠色範圍比我們家少很多，而且有車，附近嘅鄰居人人都又養貓又養狗，仲有着幾隻臭名遠播嘅貓霸王同狗霸王，也有欺負貓嘅小孩，因為家家有貓，三色貓唔會特別得到鄰居嘅寵愛。

這個情況，跟我家環境真係完全相反呢。

貓本身是領土性嘅動物，各自要有一定嘅勢力範圍，呢個情況下，三色貓應該係冇埞企，佢應該係想搵個新天地。

女主人其實很感謝我們照顧三色貓，通知他們，讓他們不用擔心，說到激動處，開始眼泛淚光，感到委屈，因為他們一直好疼愛貓兒，想不到它會想走，之前其實佢哋另一隻貓已經發生過類似情況，貓兒新投靠嘅鄰居住得不遠，但那鄰居並不友善，最後嘅關係亦搞得有點不愉快，現在又來一次貓兒離家出走事件，讓他們感到氣餒，想著以後還是不要養貓，只養狗罷了`。

女主人還帶我參觀他們為貓貓準備嘅東西，都是貴價貨，高級膳食，補充品同獸醫服務一樣不缺，我看看，真係覺得唔好意思，我們給三色貓食嘅，都係cheap嘢。。。

女主人也有問我們，會否考慮收養三色貓，說到這裡，女孩十分激動，有想爆喊跡象，不許媽媽說下去。

我連忙安慰女孩，說實話，我們沒有打算養貓，更加沒有偷他們家貓嘅意思，只是三色貓經常在外流連，不願回家，實在怕它有危險，我們也有難處呢，如果收養它，想來個旅行怎麼辦？？但是如果他們真係放棄，我們又怕三色貓會被逼去唔願意去嘅地方，畢竟，我家係佢自己揀嘅，無人迫佢，所以，應該係佢所喜歡嘅。

或許，我們需要跟鄰居商量，看看可不可以互相幫忙，如果可以找到辦法，便可以讓它長住。

女主人提議，如果不麻煩我們的話，先讓三色貓兩面自由走，看看可不可行，其他嘅事，遲一點再決定吧，我也覺得，這是一個理性明智嘅做法，大家都唔需要面對太大嘅壓力。

所以，現在嘅方案係：共同撫養，如果他們家發現見不到三色貓又擔心嘅話，可以打電話給我們，想念它，可以來我家看看，或者帶它回家，我們也會幫忙通知其他鄰居，等三色貓可以融入我哋嘅小區，並且得到保護。

以後看看情況如何，再作打算吧。

這幾天天氣不穩，落大雨後氣溫下降，在三色貓嘅睡覺地方鋪上毛巾，希望佢睡得更舒服。