我的網誌清單

2015年4月30日星期四

春季啤酒節(1)

啤酒節應該很著名吧。
很多人以為,啤酒節是在九月初十月頭,其實啤酒節在春季也有的!
秋季啤酒節慕尼黑最大,春季啤酒節便是我度最大。
某天萬里晴空,我去踩單車,順便去睇睇。

2015年4月29日星期三

2015年4月28日星期二

雪菜滑子菇炆有機豆腐

我好少買豆腐,因為王子麻麻地豆腐。
西洋有機豆腐,我從未買過。
見有特價,又買咗包。

2015年4月27日星期一

Marinated Roasted Vegetables Antipasto

某日走入超市,碰上超市員工pack緊菜,佢望望我,然後貼上90% off嘅貼紙。
就係咁,我用咗1歐多啲,帶咗4kg三色椒和茄子回家。
咁多三色椒和茄子,整乜好呢???
Antipasto吧!王子很愛的。
每次經過賣這種Antipasto嘅小店,或者在露天街市碰上,香味都會引到佢流口水。
每次吃,他都想起意大利,想起意大利窄窄街道上,從古早味食品店飄出來嘅氣味。
我確實也未遇上過不愛吃Antipasto嘅洋人。。。
Antipasto外面也賣得貴,100g要幾歐,小小一盒便要5、6歐。
我是斧頭王,當然會自製!

2015年4月25日星期六

車厘子汁無花果奶黃卷

上次做超特濃朱古力配酸車厘子蛋糕,剩下了車厘子汁。
這些車厘子汁其實很香,我不想丟棄,利用它再加上家中食材,做出新食品。
家中有方便裝嘅奶黄,又有無花果,於是做了車厘子汁無花果奶黃卷。
粉紫色嘅卷卷,還要發發發呢。。。

2015年4月24日星期五

白蘆筍屋仔

蘆筍時節,又係白蘆筍屋仔出沒嘅時候。
商場、路邊、農田邊都會見到呢啲屋仔,主要賣附近農民種嘅白蘆筍。

2015年4月23日星期四

A貨演唱會

有朋友參加咗一啲文娛活動計劃,久不久會有飛叫我一齊去睇。
事前唔知睇乜架,係一啲屬於「驚喜飛」嘅文娛活動計劃。

2015年4月22日星期三

茴香頭與靑蘆筍

春夏交界之時,不少蔬菜下架,也有不少新蔬菜上場。
是日買來靑蘆筍,是時令之物。
又買來茴香頭,打算清炒。

2015年4月21日星期二

蕃茄薄荷肉丸

你可知道,蕃茄與薄荷,其實是好拍檔?
今天這個蕃茄薄荷肉丸,我收到王子嘅激賞。
那杰杰滑滑嘅蕃茄汁,是用煮溶嘅茄子做架,完全冇用粉去煮杰,所以特別美味,而加入薄荷葉,會令濃郁汁醬多一抹薄荷清香,好特別架。

2015年4月20日星期一

非洲花生醬雜菜炆蕃薯

今日食素!
去世界另一角,食非洲素!
這個菜式是非洲家常菜,雖然只有菜,但因為加咗花生醬去炆,個汁好正好香架。
撈飯一流,一啲都唔寡。

2015年4月18日星期六

續集

上次整超特濃朱古力配酸車厘子蛋糕,王子好滿意,冇投訴,不過有建議。
佢嘅建議係:再整多次、落多啲酸車厘子

2015年4月17日星期五

2015年4月16日星期四

中國茄子

嘩嘩嘩!响東歐超見到佢,以為眼花!
冇眼花!係中國茄子呀!
係我第一次見到有中國茄子賣呢!

2015年4月15日星期三

慳家羊肉飯

我們這裡買羊,通常都是一大塊連骨頭。
一大塊兩個人食唔哂之餘,骨頭仲連住一大埋切不出來嘅肉。
之前整大塊羊,又係食唔哂。
一早已經想好慳家大法,去處理剩下嘅骨頭同肉。

2015年4月14日星期二

印度咖哩雜菜飯

上次用椰菜花葉做了酸辣湯餃子A貨涼拌馬蘭頭
買咗兩大個椰菜花,還附着部份葉,今次一樣會善用啲葉,用另一個方法煮佢。
昨日食越南嘢,今日轉轉去印度,整印度咖哩雜菜飯,全素仲可以清清腸胃。
是日用印度咖哩膽去煮,選擇嘅咖哩膽口味係Tikka Masala。
是日咖哩並沒有加cream或打獻,杰杰嘅咖哩汁秘訣是用茄子呢!

2015年4月13日星期一

越式蒸肉餅

 今日食其他民族嘅家常菜,都係蒸肉餅,不過係越式蒸肉餅。

2015年4月12日星期日

當造

士多啤梨,逐漸又開始當造啦。
去東歐超買餸,見到咁靚,買俾王子,佢實開心到飛起。

2015年4月11日星期六

交功課

王子慶生,我要交功課!
王子公司文化,牛一者要請同事食蛋糕。
我自問不是整蛋糕能手,做了兩款啱德國人口味嘅蛋糕,過到骨就算啦。
第一款係超特濃朱古力配酸車厘子蛋糕,用咗好多好多好多朱古力去整,半蛋糕半朱古力咁。
咁多朱古力會比較飽肚,所以加啲酸車厘子,上面仲有黑朱古力粉,就可以平衡番。

2015年4月10日星期五

拉茶

最近看電視,見斯里蘭卡婦女在家自製拉茶。
拉茶我跟王子皆愛,跟!

2015年4月9日星期四

芝士沙律海鮮薄餅

又到薄餅日。
今次薄餅唔用蕃茄醬,用沙律醬,配超多多芝士同海鮮。

2015年4月8日星期三

免炸家鄉鷄

突然想食快餐店嘅炸鷄脾。
不過我係唔多鐘意炸嘢嘅,主要不是怕麻煩,而是怕多吃炸物影響身體健康。
於是,決定整免炸鷄脾。
想起blog友T&P偶然會用生粉撈肉黎焗脆,我又試試先!

2015年4月7日星期二

A貨涼拌馬蘭頭

是日我會整呢個>>>>A貨涼拌馬蘭頭。
在外吃涼拌馬蘭頭都頗貴,自己整平得多。
但係我呢度又點會有馬蘭頭呢!想食就要做個A貨出來。
呢個仲要係冇乜成本嘅A貨!!!斧頭王中之王呀!
這個菜式混合咗麻油香同菜香,很清爽,亦可以是純素呢 。

2015年4月6日星期一

西洋咸魚肉餅煲仔飯

見blog友Wien Ohtria用西洋咸魚salted anchovies整咸魚肉餅,我又有半樽响雪櫃,一於照跟!

2015年4月5日星期日

粟米吞那魚包

星期六晚上,突然間,腦內一直想着粟米吞那魚包。
粟米吞那魚包。粟米吞那魚包。粟米吞那魚包。粟米吞那魚包。
咁,唯有去搓包,再低發一夜。

2015年4月4日星期六

肉桂蘋果香蕉蛋糕

沒完沒了嘅一個故事:有人發現屋企冇蘋果,要我買,到我買咗,呢個人又唔食!袋蘋果塞住個雪櫃,我又要清蘋果,並且決定唔買;有人發現屋企冇蘋果,要我買,到我買咗,呢個人又唔食......

2015年4月3日星期五

酸辣湯餃子

椰菜花葉醃好了!
想了幾個食法,最後還是用了來包餃子。

2015年4月2日星期四

食材善用 - 椰菜花葉

單看外貌,你大概不知它是甚麼吧?!
是椰菜花葉呢。
買了個椰菜花,椰菜花還附着部份葉,啲葉又多又新鮮,呢排菜價高,立即決定要善用啲葉。

2015年4月1日星期三

怪風

連續幾日,呢度日日吹怪風。
係好大好大好大嘅風,類似颱風,我屋企啲窗係新架,仲要加厚,安坐家中都聽到大風吹到呼呼聲。幸好遮光簾也是新的,也是加厚,否則一定冇覺好瞓。
除咗大風吹,仲有大雨,大風+大雨,名符其實嘅橫風橫雨。
橫風橫雨都算,變幻莫測最可怕。
每15分鐘轉一次天氣, 大風、大雨、藍天、密雲、大太陽、天黑、天晴、雪雨、落雹、出彩虹乜都有!
連天氣預測都冇埋,因為轉得太快,估佢唔到。
趁幾個天氣預測都話會有三小時晴天,立即出去行吓兼買齊嘢。