怪風

連續幾日，呢度日日吹怪風。
係好大好大好大嘅風，類似颱風，我屋企啲窗係新架，仲要加厚，安坐家中都聽到大風吹到呼呼聲。幸好遮光簾也是新的，也是加厚，否則一定冇覺好瞓。
除咗大風吹，仲有大雨，大風+大雨，名符其實嘅橫風橫雨。
橫風橫雨都算，變幻莫測最可怕。
每15分鐘轉一次天氣， 大風、大雨、藍天、密雲、大太陽、天黑、天晴、雪雨、落雹、出彩虹乜都有！
連天氣預測都冇埋，因為轉得太快，估佢唔到。
趁幾個天氣預測都話會有三小時晴天，立即出去行吓兼買齊嘢。

碰上大量芥蘭頭葉，攞咗1.2kg，真好！最近菜價高，又有得打斧頭！
醃好，一星期後便有雪菜食！