剩菜意大利雲吞

某日咁。。。

因為咁。。。

我買嘅，係方便麵皮！咁平，都懶得自己整呀。。。 
但係屋企之前果晚有人來吃飯，仲有剩菜喎。。。
分別係咖哩薯仔牛腩同炒雜菜。

於是。。。把薯仔挑出來，加入大半盒雜菜攪攪攪。
雪櫃仲有隻奄奄一息嘅茄子，蒸熟咗，又加半隻落去攪攪攪。

跟住開工包雲吞！
我冇cutter，用原始方法切咋。
四面同中間、 雲吞之間都要用手指掃水，即係有八個用水畫嘅窗口。

然後咁摺，壓四邊，壓時不要讓太多空氣留在雲吞內，再切開。

再用义壓 。

灑啲粉，略略吹乾先疊起。
王子回家見到鮮製意大利雲吞，堅開心，話可以食哂成盤喎。
我當然冇話佢知，呢個係鮮製(剩菜)意大利雲吞啦。
如果你冇呢啲方便麵皮，又懶得自己整，可以用較厚身嘅北方/上海餃子皮代替。

攪拌器要剩番約半碗餡，唔好洗走。。。
食之前放埋另外半隻茄子，1罐上湯1罐水落去攪攪攪，全部倒入鍋加調味、茄膏、黑椒碎煮滾成汁。
雲吞用水煮至浮面，盛起，淋上汁同加啲芝士，食得！

係咪睇唔出係剩菜呢？！王子完全估我唔到呀！
呢度有四大碟主菜份量嘅意大利雲吞，成本係剩菜+幾蚊港紙呀。。。