食材善用 － 椰菜花葉

單看外貌，你大概不知它是甚麼吧？！
是椰菜花葉呢。
買了個椰菜花，椰菜花還附着部份葉，啲葉又多又新鮮，呢排菜價高，立即決定要善用啲葉。

椰菜花葉其實是可食用之餘，亦十分有營養，只是口感較粗，煮法要得宜，才能帶出它的美味，事實上，不少國家都有煮椰菜花葉嘅食譜。
是日我希望用醃嘅方法，令佢軟化。
醃它，好像醃雪菜一樣。
一個椰菜花，竟然能有800g葉，可以做一大把醃菜啦！
800g葉=1.x kg豬腩肉=1 kg燒肉 ，咁諗，係咪好開心呢？哈哈哈。。。
800g椰菜花葉洗好切段，用約4湯匙幼鹽按摩、搓搓啲葉等鹽溶，類似洗衫咁，等5-6小時至葉軟化，如葉仍未軟化，再搓搓啲葉及等多陣，放入保鮮盒/袋入雪櫃幾日至一個禮拜，進行醃製過程。

整咗乜？明日再寫！