A貨涼拌馬蘭頭

是日我會整呢個>>>>A貨涼拌馬蘭頭。
在外吃涼拌馬蘭頭都頗貴，自己整平得多。
但係我呢度又點會有馬蘭頭呢！想食就要做個A貨出來。
呢個仲要係冇乜成本嘅A貨！！！斧頭王中之王呀！
這個菜式混合咗麻油香同菜香，很清爽，亦可以是純素呢 。

佢嘅材料係，少少嘅soya chunks同已醃好嘅椰菜花葉，仲有少少菠菜(因為要清雪櫃)，冇可以唔落。
其實一般會用豆腐乾，但我冇，所以用soya chunks代替。
如果冇豆腐乾又冇soya chunks，用素鷄、腐皮代替都可以。
素鷄、腐皮都冇？？？都得，可以用炒蛋代替！

A貨涼拌馬蘭頭



材料﹕ 
已醃好嘅椰菜花葉 400g
菠菜 150g(可不加)
soya chunks 少許

 

調味: 
麻油1/2湯匙
鹽少許
鷄粉/鰹魚粉/素鷄粉少許  





soya chunks 用水浸軟， 用清水洗幾次，
用清水洗去椰菜花葉所有鹽份，菠菜洗乾淨，
燒熱一鍋水，加入soya chunks煮30秒，再加入椰菜花葉煮1-2分鐘，
熄火，加入菠菜拌勻，隔去水並過3次水至涼，用手搾乾水，
攪拌器內分數次將材料攪碎，加入所有調味，攪勻，試味，
壓入碗內，包保鮮紙，雪凍。