雪菜滑子菇炆有機豆腐

我好少買豆腐，因為王子麻麻地豆腐。
西洋有機豆腐，我從未買過。
見有特價，又買咗包。

入面有兩包，今次食一包。

有啲似冰豆腐。

開樽滑子菇。

家中雪菜又醃好，今次醃長啲時間，顏色會黃啲。

用雪菜同滑子菇先炆好，煮成一個底。
煮法可以參考呢度。
呢個底，可以用來配合不同食材去煮，就會成為唔同餸，加素鷄就有雪菜滑子菇炆素鷄，加肉絲就有雪菜滑子菇肉絲，係非常萬用嘅餸底。

煮好可以分開一份份入冰箱，每次要用就攞一份份出黎，要加餸、唔夠時間煮，咪用佢黎救急扶危囉。
今次用一份雪菜滑子菇底，加一份有機豆腐，煮成雪菜滑子菇炆有機豆腐。

今次呢個有機豆腐煮法，王子竟然話好食喎。。。