我的網誌清單

2016年8月31日星期三

焗豬扒飯

久違了,真的久違了!
講嘅係焗豬扒飯。
是咁的,屋企有物資要清理,當中有芝士,有豬扒,也有隔夜飯,諗諗吓,不如整個港式美味出來啦。。。

2016年8月30日星期二

泰式沙甸魚炒豆

响超市見到跳樓貨茄汁沙甸魚,突然間想起一個好耐冇食嘅餸。
係一個泰國嘅家常菜,一個泰國朋友煮過比我食,一般會用嚟炒芥蘭,屋企冇,改用時令嘅豆都唔錯。

2016年8月29日星期一

畫圖建屋

早幾個星期開始,我已經同王子講,想為三色貓添置一間戶外貓屋。
因為佢唔可以自出自入,有時佢要在外等一段時間才等到我開門俾佢。
作為貓家長,天氣熱我怕佢曬親,落雨我怕佢濕身,天冷我怕佢冷親,風大我又驚佢吹親。
有時佢玩到半夜,又要响外面露宿,我又會擔心,有咗呢個落腳點,我會叫做放心啲。

2016年8月28日星期日

享受收成

今年嘅天氣唔好,夏天唔夠熱,啲農作物都生得好慢好慢。
八月下旬,收成開始多咗啦。
翠玉瓜好穩定地有收成,這天收割呢個,大概有900g。

2016年8月27日星期六

黑椒磨菇豬扒飯

是日我偷懶,一人一碟頭飯算數啦。
屋企有跳樓貨豬扒存貨,用一包夠兩人食,仲有跳樓貨白蘑菇。
我最近開始覺得,跳樓貨真係將我縱壞了,非跳樓貨嘅貨品都會覺得貴。。。

2016年8月26日星期五

三點三

周日,中午時王子嘅胃好多胃氣,唔多舒服,食得好少。
知佢下午時間一定會嗌餓,於是,決定做點下午茶,晚餐就不做了。
這天,我焗咗兩盆包,做下午茶,餘下嘅,可以跟住兩日食。

2016年8月25日星期四

寧靜小屋

某些時候,貓貓會表現出有壓力,會顯得好心緒不寧。
三色貓都試過係咁,好明顯,係安靜唔到落嚟,或者係突然覺得無安全感,周圍匿埋。
於是,睇完有關研究同資料之後,我決定為佢整間寧靜小屋。
家中有大把紙皮箱,某周日早上起來,趁著佢出去玩,就幫佢做間紙皮屋仔。
其實我最討厭畫公仔同做手工,好少做呢啲嘢,手腳好慢,搞咗我好耐呢。

2016年8月24日星期三

等了又等

今年嘅天氣真係超奇怪,雖然係夏天,但係好多時,我係要著長袖衫嘅呢。
天氣影響,有些農作物,係等了又等,都係冇乜起色,以龜速生長。
終於,秋葵開花啦!!!
係咪好靚呢??

2016年8月23日星期二

食檸檬

真係好日唔發市,一發頂三年。
之前一直冇貓响花園出現,突然,呢隻疑似雄性嘅貓,久不久都响花園出現。
鄰居都留意到,話多咗見到佢。

2016年8月22日星期一

貓之汗蒸幕

天氣好嘅時候,黃昏時分,三色貓會走出去歎世界,來個汗蒸幕。
先自我清潔一番。
拿拿拿,人類切勿模仿呀,尤其啲廿幾對以上嗰啲,高難度動作嚟㗎。

2016年8月21日星期日

牛骨湯飯

王子又再重提`,佢要減磅。
大概係平時啲衫褲開始緊,觸動到佢神經。
咁好啦,多啲食清淡餐吧。

2016年8月19日星期五

帶著矛盾去養貓

有時我覺得,做人無得揀,其實仲盞。
有得揀,反而係煩惱。

2016年8月18日星期四

分享

車喱茄終於有收成啦,這是今年嘅第一批收成,色彩繽紛,是不是很好看?

2016年8月17日星期三

綠蘇薯角

終於食到最後一批薯仔啦。
是日,掘出一大盤來,又係整薯角。
做法上次已經寫過,唔再重複啦。

2016年8月16日星期二

湯渣再循環

小菜園嘅一角種咗啲紅菜頭,唔係太大隻,係今年春天開始種植嘅。
我想種其他嘢,於是整理咗佢,準備煲個素湯。
材料都唔少㗎,有紅菜頭,紅菜頭葉,甘筍,眉豆,栗子同腰果。
望住啲湯渣,心裡好清楚,王子一定會唔鐘意食,佢會覺得淡茂茂。
但係一堆湯渣唔食,真係好可惜,於是,來個佢一定會讚好味嘅循環再煮。

2016年8月15日星期一

青瓜牛油果三文魚井

突然間又熱辣辣,都係整啲凍嘢食吓,是日食青瓜牛油果三文魚井。
王子以前其實係唔食魚生壽司嘅,因為我鍾意食,佢就開始食,而且越來越喜歡食。
現在住得離有魚生賣嘅地方好遠,已經無再去買魚生啦,幸好還有魚生宅配呢回事,否則真係乜都無得食。。。

2016年8月13日星期六

落幕自由行

三色貓一直係自出自入,有自己嘅出入口。
每天早上,如果三色貓响屋企,我同王子都會同佢溫馨一番。
某日,王子已上班,我同佢溫馨一番後,我去煲湯,過咗一陣,三色貓突然叫我。
Oh my God!!又嚟???!!!又帶一隻返嚟!!!!
佢叫我,擺明係話俾我知,我係時候要持續進修,練習捉老鼠啦。。。。

2016年8月12日星期五

貓兒說愛我

昨天說到三色貓帶咗老鼠返屋企,好多人第一個反應係,佢係想送禮物俾我哋。
其實,原來貓嘅心理分析,係完全另一回事呢。

2016年8月11日星期四

請君入甕

某周日起床,發現客廳中間,有一pat黑色嘢,仲有少少血漬。
唔通三色貓出血???
連忙叫醒王子,佢話係老鼠嘅內臟,看來,三色貓帶咗老鼠返黎,食咗大部份。。。
但係,三色貓依然係獵人上身,周圍望,王子話,即係佢亦帶咗一隻活口返嚟,但係比佢走甩咗。。。。
我即刻鍾小姐上身:oh my God!!
晚上,真係聽到廚房有聲,隻米奇應該匿埋響地台後面,都無辦法,唯有將廚房門關上,明天再算。
隔天,一包新買嘅貓糧,真係比佢咬穿咗,真係响廚房啊,除咗我哋知,三色貓都知,佢仲應該見到添,只係掂唔到。
咁無辦法啦,只好靠人類智取,請君入甕。
傍晚,王子買來捕鼠器。

2016年8月10日星期三

不羈

三色貓來我們家,起初嘅生活作息好穩定。
突然一晚,佢開始好夜返,之後,已經唔知佢幾時返,因為佢係可以從花園嘅一個小窗自出自入,我只係知道,佢有返過嚟瞓覺,因為我經常都幫佢執床,佢瞓過我係睇得出嘅。
後來,佢開始日間唔見咗人,變得越來越神出鬼沒。
某個周日,突然變得怪怪,有點神經質,經常出去又回來,逗留不長時間,又再出去。

2016年8月9日星期二

蘑菇薯片薄餅

响小菜園做清理工作,掘吓掘吓,又搵到兩隻薯仔。
家中剛巧有芝士又有啡蘑菇,小菜園又有大量羅勒,做個蘑菇薯片薄餅,都唔錯喎。
王子一知道有薄餅食,開心不已,我家從不叫薄餅外賣,王子總覺得家裡自己做嘅,用料豐富認真,無咁肥膩亦無咁咸,啱佢口味多一點。

2016年8月8日星期一

同伴

自從三色貓多在我家寄養,我跟王子,要開始教識佢,點樣响新環境生活。
某天,佢望出窗外,唔知見到乜,馬上貓貓叫,表示要我開門。
原來佢發現遠處有同伴出現!
於是,同好多貓家長一樣,我偷偷地跟蹤佢。。。

2016年8月7日星期日

白果雞蛋腐竹洋薏米糖水

對好多人嚟講,呢個糖水,真係冇乜特別。
但係對我嚟講,就好珍貴啦,因為係香港來嘅食材。
訪客從香港帶來兩斤白果,某日終於的起心肝,剝殼入冰格保存。
我從小到大,都好討厭剝殼,捉埋王子一齊做,快啲可以搞掂。

2016年8月5日星期五

紅了

這一年,夏天唔係咁熱,好多農作物都唔係生長得咁快。
車厘茄卻生長得很好,很健康,果實纍纍,而且大大粒,好飽滿。
等了又等,第一顆車厘茄,終於紅了。

2016年8月4日星期四

小風波

在跟三色貓女主人達成共識之後幾天,發生了一場小風波。
那夜我跟王子打算夜購,順便買貓砂俾三色貓。
佢嘅男主人突然在我們門前,打算帶它回家,佢嘅語氣亦唔友善,說他們很愛三色貓,希望它回家,它在家有清潔嘅睡覺地方同豐足嘅食物,無理由想走,我們不應該把它扣押等等。。。

2016年8月3日星期三

雜錦炒麵筋

有幾個禮拜模式過麵筋,今日整返餐。
300g麩質蛋白粉(vital wheat gluten flour)+ 50g普通麵粉 + 1茶匙蒜粉,拌勻。
一大杯水内加入1/3茶匙鹽,2湯匙豉油,1茶匙糖,少少茶匙老抽,拌勻。

2016年8月2日星期二

掘薯樂

小菜園嘅其中一角,種咗一堆薯仔,其中一棵,就係之前有果實嘅一棵,已經枯死到七七八八,又係時候享受吓掘薯樂啦。
一路掘,便會有薯仔浮現出嚟,好有趣,好有尋寶感覺。

2016年8月1日星期一

红菇大翠肉瓜淡菜湯

小菜園裏,有一個翠玉瓜已經長得很大。
我是刻意把它留到大,打算用來滾湯。