但係對我嚟講，就好珍貴啦，因為係香港來嘅食材。
訪客從香港帶來兩斤白果，某日終於的起心肝，剝殼入冰格保存。
我從小到大，都好討厭剝殼，捉埋王子一齊做，快啲可以搞掂。
另外訪客又帶來靚腐竹。
亞超其實係有真空包裝嘅白果同包裝腐竹賣嘅，但係白果就無乜味，不過都唔夠腐竹衰，啲腐竹煲唔爛㗎，好似膠片咁，所以買過一次就怕怕啦。
除咗白果腐竹，仲加入咗雞蛋同洋薏米，糖就用天然黃糖。
真係好耐冇食，係久違嘅味道。
王子係未食過呢個糖水嘅，佢見到個樣，覺得好奇怪，知道啲原材料，覺得更加奇怪，唔明點解我哋會用所有佢心目中嘅咸材料，去做一個甜品。
我跟他說，無預佢食，啲材料咁珍貴，佢最好唔好食添呀。
比我一咁講，佢反而好想食喎，試味之後，仲讚好有驚喜，估唔到咁好味，自己走去食咗一大碗。。。
我覺得呢個糖水嘅靈魂係白果，但唔知點解以前我細個時唔食㗎！
回覆刪除我就從小到大都好鍾意食，無論點煮都覺得好食，好鍾意佢嘅味道
刪除很經典的糖水，細個時唔識欣賞，現在很喜歡！
回覆刪除如果同紅豆沙，麥米粥嗰啲比，我鍾意呢個多啲，可能我比較怕飽肚嘅嘢
刪除返香港必食
回覆刪除返香港我會食啲帶唔走嘅嘢，魚皮餃，墨魚丸，蝦餃燒賣果啲
刪除我一直唔喜歡食白果，所以多數都係煲腐竹雞蛋。
回覆刪除我同你相反呀，我好鍾意白果嘅味道
刪除老DAD年年帶幾斤回來，我就唔啱食喇。
回覆刪除我從小到大都好鍾意食，點煮都覺得好食
刪除白果聽講喺歐洲係有得執㗎。但係我唔識邊啲係白果嘅樹。
回覆刪除講咗一大輪其實我唔食白果㗎，腐竹我都唔食嘅。
係呀，不過我未見過，可能响森林中間，但係白果樹要好多年先會結果㗎
刪除點解唔食呢？因為個味道定質感？
我都好鍾意^_^
回覆刪除我都係呀！
刪除但係對我嚟講，就好珍貴啦，因為係香港來嘅食材-- 原全明白，我啲腐竹都係香港有人帶來給我才有咋 ^^
回覆刪除其實唔係睇你blog，我真係唔知新加坡有咁多嘢都無，我一直以為好多嘢都買到㗎
刪除以前細個會幫手用槌仔揼開個殼卜一聲幾好玩,近年就好少食
回覆刪除我屋企都係用槌仔揼，不過我技術好差，成日揼爛㗎
刪除我反而唔中意食白果, 見到都會揀返出嚟..haha
回覆刪除而家先醒起, 我都好耐無食雞蛋糖水><
我好鍾意呀，通常唔食果啲人都會畢晒比我
刪除你搵日又煲吓啦