雜錦炒麵筋

有幾個禮拜模式過麵筋，今日整返餐。
300g麩質蛋白粉（vital wheat gluten flour）+ 50g普通麵粉 + 1茶匙蒜粉，拌勻。
一大杯水内加入1／3茶匙鹽，2湯匙豉油，1茶匙糖，少少茶匙老抽，拌勻。

慢慢加入粉內，用叉攪拌一會便會自然成為一團，唔夠水要另加，即到麵糰唔再吸水，水份多一點也無妨，蓋上布，等1小時便可以開始用。
呢個份量，其實已經夠一般小家庭食兩次以上，用剩嘅，放入保鮮盒入雪櫃便可。

易潔鑊內加入少少油，開小火，用水濕下剪刀，再將麵糰剪成小塊，直接放入鑊內。

完成後轉中火，煎麵筋至兩面金黃，顏色深一點會更加香，之後加入幾粒蒜頭。

加入其他配菜，我今日用咗紅黃超，雲耳同秀珍菇，整理小菜園時有少少芥蘭苗，又加埋落去，加啲糖，料理酒，醬油，煮到材料熟便可。

雜錦炒麵筋完成，清清淡淡但都算材料豐富，加碗飯就好足夠啦。