同伴

自從三色貓多在我家寄養，我跟王子，要開始教識佢，點樣响新環境生活。
某天，佢望出窗外，唔知見到乜，馬上貓貓叫，表示要我開門。
原來佢發現遠處有同伴出現！
於是，同好多貓家長一樣，我偷偷地跟蹤佢。。。

最近看了一點貓嘅心理研究，雖然佢哋好似好獨立，好獨來獨往咁，但係原來有時佢哋都會想認識自己嘅同類，特別係養在家中嘅貓，有時佢哋偷走，其中一個原因，係想响外面嘅世界，搵番自己嘅同類。
三色貓特定整大自己條尾，等自己睇落大隻啲，不過佢似乎係想識朋友，多過想打交爭地盤。

拿拿拿，唔好話我唔提你，呢隻黑白貓係隔離小區嘅教堂養嘅，麻麻地友善，自己執生啦。
三色貓發現我跟蹤佢，即刻擺出個囧樣。

果然，人家唔想同佢friend，發出聲音兇佢。

條尾都dup埋，敗走。
貓步變細，小心翼翼地離開黑白貓嘅範圍。

我怕黑白貓打佢，連忙叫三色貓返嚟我身邊，又恐嚇黑白貓，叫佢見好就收，唔好响我眼皮下打三色貓，惹起我把火呀！！！

好謹慎咁返嚟我身邊，緊貼住我，乖乖跟我返屋企。。。