唔通三色貓出血？？？
連忙叫醒王子，佢話係老鼠嘅內臟，看來，三色貓帶咗老鼠返黎，食咗大部份。。。
但係，三色貓依然係獵人上身，周圍望，王子話，即係佢亦帶咗一隻活口返嚟，但係比佢走甩咗。。。。
我即刻鍾小姐上身：oh my God！！
晚上，真係聽到廚房有聲，隻米奇應該匿埋響地台後面，都無辦法，唯有將廚房門關上，明天再算。
隔天，一包新買嘅貓糧，真係比佢咬穿咗，真係响廚房啊，除咗我哋知，三色貓都知，佢仲應該見到添，只係掂唔到。
咁無辦法啦，只好靠人類智取，請君入甕。
傍晚，王子買來捕鼠器。
這次嘅鼠餌，係餅乾+花生醬，據說，老鼠好愛花生醬。
這個是人道捕鼠器，王子堅持要人道對待老鼠，絕不想用老鼠夾或者其他有殘忍成份嘅方法去捉佢，因為王子唔想攞佢命，或者令佢受傷，捉到之後，打算放生佢返大自然。
我呢，就唔理咁多，唔該快啲搞掂佢！！
Oh my God！！！
以下圖片，唔該慎入。。。。。。。。。。。。。
。。。。。。。。。。。。。
。。。。。。。。。。。。。
。。。。。。。。。。。。。
。。。。。。。。。。。。。
。。。。。。。。。。。。。
。。。。。。。。。。。。。
。。。。。。。。。。。。。
隔天早上，已經搞掂啦！！王子趁我未起身，上班前，已經將佢放走。。。。
王子話，隻老鼠其實好細，只係得5－6cm左右，仲極度驚慌，周圍抓，好慘慘鼠。
唔該，後會無期呀。。。。
隻老鼠可能係三色貓送比你哋嘅禮物..haha..講真架，佢哋覺得係寶就送比佢嘅救命恩人，我都試過收dingding禮物，放左隻死四腳蛇響我枕頭，企我側邊等我起身收禮..haha
回覆刪除此留言已被作者移除。
刪除其實打從第一晚佢响我屋企留宿，當時佢仲未係自出自入，已經在我家門前留低一隻完整死老鼠
刪除有原因架，我下一篇寫吓
所以有時俾佢地自出自入, 係有風險 XD
回覆刪除咁你家貓兒係咪自出自入？有無帶生老鼠返黎？
刪除生、死都有啦, 仲有 tweety
刪除我地係唔會放生老鼠，好似好唔人道。
回覆刪除EE，我都係咁話！
刪除唔明？？
刪除好驚呀！！！
回覆刪除我好驚呀，王子就話好正常，久不久會發生
刪除其實打從第一晚佢响我屋企留宿，當時佢仲未係自出自入，已經在我家門前留低一隻完整死老鼠，死老鼠我都仲ok，生嘅真係唔掂囉
呢個捕鼠器好實用喎，我只識用老鼠藥咋。
回覆刪除係呀，雖然貴少少，但係可以永久用，而且係人道方法，我哋呢度好多有花園嘅鄰居都有買，因為有時花園都有呢啲小鼠。用藥佢唔知會响邊度死，要周圍搵同埋如果隱蔽，就會發臭。用老鼠夾最平，但係好大機會整到佢殘廢甚至死，所以王子堅持唔肯用。
刪除你講開老鼠，都唔知點解早幾日我屋企都發現鼠蹤，係咁多年來嘅第二次，但現在還未知走咗未？因我放了些過期鼠藥，看到有些老鼠屎……
回覆刪除有時佢可能會响外面花園走咗入屋，如果有老鼠屎，則係佢响你度搵到嘢食啦
刪除但係我唔鍾意用藥，用藥佢唔知會响邊度死，要周圍搵同埋如果隱蔽，就會發臭。
三色貓好可愛，你哋好有緣呀～
回覆刪除我諗都係一種緣份。。。
刪除三色貓好可愛，你哋好有緣呀～
回覆刪除OMG!!!!!!!! 真係無諗過會咁....
回覆刪除要睇隻貓囉，通常點都會帶嘢返嚟㗎，有時仲會係昆蟲，或者雀仔
刪除我小時候的貓女，咬斷老鼠頭，將老鼠身留在閣仔地板上，我一開燈，老鼠身就在我腳趾旁，嚇到我呆滯分多鐘後狂跑離開，不斷打冷震，之後，我不敢再撫摸貓女。
回覆刪除可能我一早就知會有呢個情況，同埋成日睇啲動物紀錄片，知道係咁，所以唔多驚，但係帶生老鼠就唔同啦，麻煩好多。。。
刪除將佢放走 --- ahhhhhhhhhhhhhhhhh, 佢可能再回來，唔好呀
回覆刪除呢啲係啲田間／花園小鼠，本來係屬於自然嘅，冇心攪我哋，係唔好彩俾三色貓捉到，再玩弄一番，所以我哋俾佢返回大自然囉
刪除唔喺話屋企有貓就無老鼠嘅咩，
回覆刪除帶咗老鼠內臟入屋...😱😱
哩個捕鼠器都喺得，
我老豆年代唔會放咪咪走，
擺去屋外示眾😂😂
以驚效尤，其他咪咪唔敢再嚟架🙅🙅
屋企有貓，會快啲知道屋企有冇老鼠就真，佢啲行為會唔同晒，但係如果有啲位佢去唔到，一樣無辦法
刪除個捕鼠器可以永久使用，而且人道，所以都值得投資
我哋覺得小鼠已經好慘，所以無諗住再令佢受苦，比佢返去自然界算啦
希望佢唔好再去打獵帶啲米奇獵物返來啦,生同C嘅都唔想見:P
回覆刪除唔會㗎，呢個係天性，佢一定會想咁做呢。。。
刪除