黑椒磨菇豬扒飯

是日我偷懶，一人一碟頭飯算數啦。
屋企有跳樓貨豬扒存貨，用一包夠兩人食，仲有跳樓貨白蘑菇。
我最近開始覺得，跳樓貨真係將我縱壞了，非跳樓貨嘅貨品都會覺得貴。。。

講番碟飯，我家黑超係鮮磨嘅，從來冇買過已經磨好嘅產品，最近响印度超市買咗包原粒黑椒，好辣吓呢！不過好彩我食得辣，無相干！
雖然辣，但係就好香，今日用嚟整個黑椒磨菇豬扒飯，雖然話係碟頭飯，但外貌真係好唔同，茶餐廳嘅，我印象中，都係好多汁，好少餸，尤其係租金高昂嘅日子，塊豬扒就又細又薄，連飯都少埋。。。