享受收成

今年嘅天氣唔好，夏天唔夠熱，啲農作物都生得好慢好慢。
八月下旬，收成開始多咗啦。
翠玉瓜好穩定地有收成，這天收割呢個，大概有900g。

新鮮切開，裡面係充滿水珠㗎，响燈光下好似水晶咁，閃閃發光。

自家醃咗啲咸蛋，預咗大翠玉瓜有收成時，可以用來滾湯。

今晚食家常菜呀。

小菜園嘅番茄仔每隔兩日可以收成一次，今日用嚟整咗醬拌番茄仔。

例湯係姬松茸咸蛋滾大翠肉瓜。

主菜得一碟，不過好大碟，因為有人話佢好肚餓。
是日主菜係雞油菌蠔菇燴牛肉。