小風波

在跟三色貓女主人達成共識之後幾天，發生了一場小風波。
那夜我跟王子打算夜購，順便買貓砂俾三色貓。
佢嘅男主人突然在我們門前，打算帶它回家，佢嘅語氣亦唔友善，說他們很愛三色貓，希望它回家，它在家有清潔嘅睡覺地方同豐足嘅食物，無理由想走，我們不應該把它扣押等等。。。

完全唔知佢噏乜，咪同你老婆有咗協議囉，搞到我哋一頭霧水。。。

其實，王子第一次打電話接觸嘅人，都係佢，男主人好怕我哋將佢心愛嘅三色貓據為己有。

王子跟他表明，三色貓剛剛走了，我連忙要求跟他太太說話，並且重新表明，三色貓一直係自出自入嘅，而且，唔止我家，佢响呢個小區，彷如看更，日日去每家每戶巡查，鄰居可以做證啊。

剛巧，佢太太好忙，有視像會議，無時間。
於是，我跟他說，等三色貓回來，可能會很晚，但我們一定會致電你，請你來把它帶走。
後來，他意識到可能有啲嘢搞錯咗，語氣開始軟化，而且主動跟我握手。

跟住，我哋心情鬱悶，無啦啦俾人冤枉啊。。。唔係傾好咗咩？？？！！！
我跟王子說，打算偷你家貓嘅人，又怎會事先張揚，致電你，還告訴你地址呢。。。

而且，外面嘅苦命貓多着，要多可愛有多可愛，我們要領養貓，真係零難度，做乜要咁費神費功夫去扣押一隻貓呢，況且，其實我曾經跟王子說過，如果要領養，我希望領養年紀大一點嘅貓，貓bb好可愛，唔難搵到好主人，年紀大嘅呢，開始無咁靚，而且多病痛，要搵到新主人會有難度。。。

如果三色貓回來，我們便立即致電他，要求他把貓帶走，就是不要讓貓兒在外待著，乞求我們開門，聽著它在外面哭，實在令人心酸啊。

王子覺得那樣很麻煩，我跟王子說，我有時間喎！我來等！我要讓他知道事實，他把三色貓捉回家，然後三色貓又回來，他又要再捉，這個循環，會令佢覺得累，讓現實打敗佢，好過嘥我口水。

我同王子估計，佢未接受到三色貓想走嘅事，仍然處於憤怒同拒絕相信嘅階段，女主人EQ比佢高好多，已經從傷心嘅階段，慢慢走入接受嘅階段。

晚上十點左右，三色貓回來，我們連忙要求他把它接走，起初他說是否有點晚，可否讓它留宿，我即時拒絕，要求他現在過來，明天，我們不能保證三色貓是否已離去啊，而且我要外出，我要用行動證明，我哋真係完全可以放手。

佢再次到訪，態度180度大轉變，變得十分友善，說以後三色貓可以留下，相信我們會好好照顧佢，就依照之前嘅承諾，拜託我們多加照顧佢云云。。。

王子十分吃驚，我們都心靈神會，他家之前一定沒有好好溝通，女主人發現佢去私自搵我哋，一定立刻同佢講咗一大番說話。

佢同三色貓走前，我主動跟他握咗兩次手，說我們是好鄰居，以後要互相聯絡同關照，他點著頭笑，氣氛終於緩和了，唉，我費事無啦啦响個社區多個敵人啊。。。

三色貓當然唔肯走，不過我心諗，小鬼，過幾個鐘頭，你咪又返嚟。。。

果然，三色貓在幾小時後，又再回來，呼呼大睡。

早上，我們發短訊，告知三色貓又再次回來，正在呼呼大睡，如果他們家幾天不見它，擔心的話，歡迎隨時致電我們。

一整天，沒有回覆，拿拿拿，我哋做出本份喇，當呢場小風波過去㗎啦。

附上三色貓呢個埋頭苦睡嘅姿態，你就瞓得香甜，可知人間因為你，引發了一場小風波。。。